49 ஆண்டுகளுக்கு பின் ரீமேக் ஆகும் ‘காசேதான் கடவுளடா’ படம் - இவர் தான் ஹீரோவா

1972-ல் திரைக்கு வந்த படம் காசேதான் கடவுளடா. முத்துராமன், தேங்காய் சீனிவாசன், ஶ்ரீகாந்த், வெண்ணிற ஆடை மூர்த்தி, லட்சுமி, மனோரமா இப்படத்தில் நடித்து இருந்தனர்.

படத்தில் இடம்பெற்ற ஜம்புலிங்கமே ஜடாதரா, மெல்ல பேசுங்கள், போன்ற பாடல்கள் பட்டிதொட்டியெங்கும் ஒலித்தன.

இந்நிலையில் காசேதான் கடவுளடா படத்தின் ரீமேக்கை தற்போது ஆர்.கண்ணன் இயக்கவுள்ளாராம்.

இதில் முத்துராமன் கதாபாத்திரத்தில் மிர்ச்சி சிவா, தேங்காய் சீனிவாசன் கதாபாத்திரத்தில் யோகிபாபு, மனோரமாவாக ஊர்வசி நடிக்கின்றனர்.

படம் குறித்து ஆர்.கண்ணன் கூறும்போது, " கொரோனா தொற்றால் மக்கள் மன அழுத்தத்தில் இருக்கும் இந்த காலத்தில் ஓ.டி.டி. தளங்களில் அதிகமாக மர்மம், திகில், கிரைம் படங்களே வருகின்றன.

மக்களை சிரிக்க வைக்கும் படைப்பாக காசேதான் கடவுளடா படத்தை நவீன காலத்துக்கு ஏற்ப ரீமேக் செய்கிறோம். காசேதான் கடவுளடா படம் எக்காலத்துக்கும் பொருந்தும் கதையமைப்பை கொண்டது " என கூறியுள்ளார். 

ஆர்.கண்ணன், இதற்கு முன் இவன் தந்திரன், பிஸ்கோத், ஜெயம் கொண்டான் உள்ளிட்ட படங்களை இயக்கியுள்ளார் என்பது குறிப்பிடத்தக்கது.