ஆளவந்தான் - Rewind ரிவ்யூ

kamal haasan manisha koirala suresh krishna aalavandhan rewind review raveena tandon

By Kathick Jan 13, 2022 01:50 PM GMT

Kathick

in திரைப்படம்

Report

மனைவியின் மரணத்திற்கு பிறகு வேறொரு பெண்ணை இரண்டாம் தாரமாக திருமணம் செய்துகொள்கிறார் தந்தை. சித்தியின் கொடுமையில் நந்தகுமார் மற்றும் விஜய்குமார் இருவரும் வளர்க்கிறார்கள். சொத்துக்கு ஆசைப்பட்டு தான், இரண்டாம் தாரமாக தனது தந்தையை திருமணம் செய்கொண்டார் சித்தி என்றும். அந்த பெண்ணுக்கு வேறொரு ஆண் நபருடன் தொடர்பு இருக்கிறது என்றும் தெரிந்துகொள்கிறார் நந்தகுமார்.

இதன்பின், தனது சகோதரனையும், தந்தையும் காப்பாற்ற பல பேரிடம் உதவி கேற்கிறார். ஆனால், யாரும் உதவி செய்ய முன் வரவில்லை. இதன்பின், ஒரு கட்டத்தில் தனது மாமாவுடன் ஊருக்கு சென்று விட இருவரும் நினைக்கிறார்கள். ஆனால், அவரோ இருவரில் ஒருவரை மட்டுமே என்னால் அழைத்து செல்ல முடியும் என்று கூற, பூவா தலயா போட்டு பார்க்கிறார்கள். இதில் ஜெயிக்கும் விஜய்குமாரை தன்னுடன் மாமா அழைத்து செல்கிறார்.

இதன்பின், பல முறை சித்தியிடம் கொடுமைகளை அனுபவிக்கும் நந்து, தவறான மனநிலைக்கு செல்கிறார். இதனால், ஒரு கட்டத்தில் தனது சித்தியை கொன்று விடுகிறார். நந்துவின் மனநலம் சரியில்லை என்று 20 வருடங்களுக்கும் மேல் சிறையில் அடைக்கப்படுகிறார். இதன்பின், பல வருடங்கள் கழித்து சிறையில் இருக்கும் தனது சகோதரனை சந்திக்க செல்லும், விஜயகுமார், தனது வருங்கால மனைவியையும் அழைத்து செல்கிறார்.

மனநிலை சரியில்லாமல் இருக்கும் நந்து, விஜயகுமாரின் வருங்கால மனைவியை பார்த்து தனது சித்தி என்று எண்ணி கோபமடைகிறார். இதன்பின் விஜயகுமாருக்கு திருமணம் நடக்கிறது. ஆனால், அப்பெண்ணிடம் இருந்து தனது சகோதரனை காப்பாற்ற வேண்டும் என்று எண்ணி, சிறையில் இருந்து தப்பிக்கும் நந்து, தொடர்ந்து பல கொலைகளை செய்து வருகிறார்.

என்னதான், மனநிலையில் மிருகமாக இருந்தாலும், தனது அம்மாவை கற்பனையில் சந்திக்கும் போதெல்லாம், குழந்தையாக மாறிவிடுகிறார் நந்து. இறுதியிக் உண்மையை அறிந்துகொள்ளும் நந்து, கொலைமுயற்சியை கைவிட்டு, தனது அம்மா சென்ற இடத்திற்கே சென்று விடுகிறார்.

ஆளவந்தான் ஒரு பாடம்

சுரேஷ் கிருஷ்ணா இயக்கத்தில் உருவான இப்படம், கமல் ஹாசன் எழுதி வெளியிட்ட 'தாயம்' என்ற புத்தகத்தை தழுவி எடுக்கப்பட்டது. படத்தில் விஜயகுமார், நந்தகுமார் என்று இரு கதாபாத்திரத்தில் முதன்மையாக அமைக்கப்பட்டிருந்தது. இதில், நந்தகுமார் எனும் கதாபாத்திரத்தின் மனநிலை பாதிக்கப்பட்டது போல் தான் அனைவருக்கும் தெரிந்திருக்கும்.