பொன்னியின் செல்வன் நடிகருக்கு கதை சொன்ன லோகேஷ்.. அவரும் LCU- வில் இணைவாரா?

லோகேஷ் கனகராஜ்

இந்திய சினிமாவின் முக்கியமான இயக்குனராக வளர்ந்து இருப்பவர் லோகேஷ் கனகராஜ். இவர் மாநகரம், கைதி, மாஸ்டர், விக்ரம் போன்று தொடர் வெற்றிகளை கொடுத்து தனக்கென ரசிகர் பட்டாளத்தை வைத்துள்ளார்.

அடுத்து அவர் விஜய்யின் 67 படத்தை இயக்கப் போவதாக அறிவித்தார். இப்படம் LCU வில் உருவாவதால் ரசிகர்கள் மிகுந்த எதிர்பார்ப்புடன் காத்திருக்கிறார்கள்.

இப்படத்தில் அர்ஜுன், மிஸ்கின் என பலரும் நடிக்கவுள்ளனர் என முன்பு தகவல் வெளியானது. ஆனால் அதிகாரப்பூர்வமாக உறுதியாகவில்லை. இயக்குனர் கவுதம் மேனன் மட்டும் தளபதி 67-ல் நடிக்க இருப்பதாக தெரிவித்துள்ளார்.

ஜெயம் ரவி

சமீபத்தில் நடந்த நேர்காணலில் ஜெயம் ரவியிடம் லோகேஷ் கனகராஜின் LCU வை பற்றி கேள்வி எழுப்பியுள்ளனர். பதில் அளித்த அவர், "லோகேஷ் கனகராஜ் என்னிடம் கதை கூறினார். அந்த கதை சிறப்பாக இருந்தது"என்றார் ஜெயம் ரவி.

இதைத் தொடர்ந்து லோகேஷ் கனகராஜ் மற்றும் ஜெயம் ரவி எடுத்த புகைப்படம் இணையத்தில் ட்ரெண்ட் ஆகி வருகிறது.

தற்போது LCU -வில் கமல், விஜய், சூர்யா, கார்த்தி, நரேன், அர்ஜுன் டாஸ் என இருக்கும் நட்சத்திர வரிசையில் பிரபல நடிகரான ஜெயம் ரவியும் இணைவாரா என கேள்வி எழுந்துள்ளது.  

விஜய்யின் 'வாரிசு' பட ட்ரெய்லர் இதோ