ஏ.ஆர். முருகதாஸின் அடுத்த ஹீரோ இவர் தான்.. யார் தெரியுமா
ஏ.ஆர். முருகதாஸ்
தமிழ் சினிமாவில் முன்னணி இயக்குனர்களில் ஒருவர் ஏ.ஆர். முருகதாஸ். இவர் இயக்கத்தில் தற்போது எஸ்கே 23 மற்றும் சிக்கந்தர் ஆகிய படங்கள் உருவாகி வருகிறது.
இதில் சல்மான் கானை வைத்து முருகதாஸ் இயக்கி வரும் சிக்கந்தர் படத்தின் படப்பிடிப்பு நிறுத்தப்பட்டுள்ள நிலையில், எஸ்கே 23 படப்பிடிப்பு விறுவிறுப்பாக நடைபெற்று வருகிறது. இதற்கிடையில் கஜினி 2 படத்திற்கான பேச்சு வார்த்தையும் நடைபெற்று வருவதாக சமீபத்தில் தகவல் வெளிவந்தது.
அடுத்த பட ஹீரோ
இந்த நிலையில், எஸ்கே 23 மற்றும் சிக்கந்தர் படங்களை முடித்துவிட்டு, அடுத்ததாக முருகதாஸ் இயக்கவிருக்கும் படத்தில் கார்த்தி நடிக்க வாய்ப்புகள் அதிகம் என்கின்றனர். ஆம், சமீபத்தில் கார்த்தியை வைத்து இயக்க சூர்யாவுடன் பேசியுள்ளாராம் இயக்குனர் முருகதாஸ்.
மேலும் இப்படத்தை சூர்யாவின் 2டி என்டர்டைன்மெண்ட் தயாரிக்கப்போவதாக கூறப்படுகிறது. பொறுத்திருந்து பார்ப்போம் இப்படத்திற்கான அதிகாரப்பூர்வ அறிவிப்பு எப்போது வெளியாகிறது என்று.
Mad Max திரைப்பட பாணியில்... சவுதி ஆதரவுப் படைகளும் ஹவுதிகளும் பாலைவனத்தில் நேருக்கு நேர் News Lankasri
