பிக் பாஸ் அல்டிமேட் புது தொகுப்பாளர்.. போட்டோவுடன் வரும் முக்கிய அறிவிப்பு

விஜய் டிவியின் பிக் பாஸ் ஷோவுக்கு சின்னத்திரை ரசிகர்கள் மத்தியில் கிடைத்த வரவேற்பு அளவுக்கு தற்போது ஹாட்ஸ்டாரில் மட்டும் ஒளிபரப்பாகி வரும் பிக் பாஸ் அல்டிமேட் ஷோவுக்கு வரவேற்பு கிடைக்கவில்லை. கடந்த வாரத்தோடு கமல் பிக் பாஸில் இருந்து வெளியேறுவதாக அறிவித்தார்.

தான் விக்ரம் பட ஷூட்டிங்கில் பிசியாக இருப்பதால் இனி இந்த ஷோவிற்கு வர முடியாது என தெரிவித்து இருந்தார். கடந்த வாரத்தோடு கமல் வெளியேறிவிட்ட நிலையில் இந்த வாரம் முதல் ஷோவுக்கு புது தொகுப்பாளர் யார் என்பது ரசிகர்கள் மனதில் கேள்வியாக இருந்தது.

இந்நிலையில் தற்போது ஹாட்ஸ்டார் ஒரு போஸ்டர் வெளியிட்டு இருக்கிறது. புது தொகுப்பாளர் யார் என்ற அறிவிப்பு இன்று வெளிவரும் என தெரிவித்து உள்ளனர். அந்த போட்டோவில் திரும்பி நின்றிருப்பது சிம்பு தான் என தற்போது ரசிகர்கள் தெரிவித்து வருகின்றனர்.

ஏற்கனவே சிம்பு ஷூட்டிங்கிற்காக தயாராகி கொண்டிருக்கும் போட்டோ ஒன்றும் இணையத்தில் வெளியாகி வைரல் ஆகி இருந்தது குறிப்பிடத்தக்கது.

BIGG ANNOUNCEMENT TOMORROW.. #BBUltimate pic.twitter.com/n9GL36X5Cs

— Disney+ Hotstar Tamil (@disneyplusHSTam) February 23, 2022