த்ரிஷ்யம் 3 முதல் நாள் உலகளவில் செய்துள்ள வசூல்.. பாக்ஸ் ஆபிஸ் ரிப்போர்ட்

த்ரிஷ்யம் 3

ஜீத்து ஜோசப் இயக்கத்தில் மோகன்லால் நடிப்பில் உருவாகி 2013ஆம் ஆண்டு வெளிவந்த திரைப்படம் த்ரிஷ்யம். இப்படத்தில் மீனா, எஸ்தர் அனில், அன்ஷிபா, ஆஷா சரத் என பலரும் நடித்திருந்தனர்.

மலையாளத்தில் வெளிவந்து பிளாக்பஸ்டர் வெற்றிபெற்ற இத்திரைப்படம், தமிழ், இந்தி ஆகிய மொழிகளில் ரீமேக் செய்யப்பட்டது. அப்படங்களுக்கு மக்கள் மத்தியில் அமோக வரவேற்பு கிடைத்தது.

வெளிநாட்டில் நடக்கும் அனிருத் திருமணம்? பரபரப்பாக பரவும் புது கிசுகிசு

த்ரிஷ்யம் 1 வெற்றியை தொடர்ந்து கடந்த 2021ஆம் ஆண்டு த்ரிஷ்யம் 2 வெளிவந்து மாபெரும் வெற்றிபெற்றது. இதனால் த்ரிஷ்யம் 3 திரைப்படம் எப்போது வெளிவரும் என ரசிகர்கள் எதிர்பார்த்து காத்திருந்தனர்.

வசூல் 

பெரிதும் எதிர்பார்க்கப்பட்டு உருவான த்ரிஷ்யம் 3 திரைப்படம் நேற்று திரையரங்கில் வெளிவந்தது. ஆனால், எதிர்பார்த்த அளவிற்கு ரசிகர்களை இப்படம் முழுமையாக பூர்த்தி செய்யவில்லை. இதனால் கலவையான விமர்சனங்களை பெற்றது.

இந்த நிலையில், முதல் நாள் த்ரிஷ்யம் 3 திரைப்படம் செய்துள்ள வசூல் குறித்து தகவல் வெளியாகியுள்ளது. அதன்படி, த்ரிஷ்யம் 3 திரைப்படம் உலகளவில் முதல் நாள் ரூ. 45 கோடி வசூல் செய்துள்ளது.