இனி சினிமாவில் நடிக்கமாட்டாரா உலகநாயகன் கமல், தனது எதிர்காலம் குறித்து அவர் எடுத்துள்ள முடிவு

உலகநாயகன் கமல்ஹாசன் தமிழ் சினிமாவின் உச்ச நட்சத்திரமாக பல வருடங்களாக திகழ்ந்து வருபவர், இவருக்கு உலகமுழுவதில் ரசிகர்கள் காணப்படுகின்றனர்.

மேலும் ஷங்கர் இயக்கத்தில் இவர் நடித்து வந்த இந்தியன் 2 திரைப்படம் நிறுத்தப்பட்டதால், அடுத்ததாக இயக்குனர் லோகேஷ் கனகராஜ் இயக்கத்தில் விக்ரம் என்ற படத்தில் அவர் நடிப்பதாக அறிவிக்கப்பட்டது.  

இந்நிலையில் தமிழகத்தில் சட்டமன்ற தேர்தல் வரும் ஏப்ரல் 6 ஆம் தேதி நடக்கவுள்ளது. இதற்காக கமல் தனது மக்கள் நீதி மய்யம் கட்சியின் பரப்புரையில் பிஸியாக இருந்து வருகிறார்.

அதுமட்டுமின்றி கோயம்பத்தூர் தெற்கில் வேட்பாளராக போட்டியிடும் கமல், அங்கு தனது பிரச்சாரத்தை விறுவிறுப்பாக செய்து கொண்டு இருக்கிறார்.

இதனிடையே கமல் தனது பரப்புரையின் போது சினிமா குறித்த தனது முடிவை எடுத்துள்ளார். ஆம் அவர் கூறியதாவது " எஞ்சிய வாழக்கை மக்களுக்காக தான் என்ற முடிவை எடுத்துளேன்.

மேலும் தனது அரசியலுக்கு இடைஞ்சல் ஏற்பட்டதால் சினிமாவில் நடிப்பது நிறுத்தப்படும் " என்ற தனது அதிரடி முடிவை கமல் தனது பரப்புரையின் போது கூறியிருந்தார்.