நடிகர் சிம்பு தற்போது வெங்கட் பிரபு இயக்கத்தில் மாநாடு திரைப்படத்தில் நடித்து வருகிறார், இப்படத்தை முடித்து விட்டு சிம்பு பத்து தல படத்தில் நடிக்கவுள்ளார்.

இந்த இரண்டு படங்களையும் முடித்த பின் சிம்பு கவுதம் மேனன் இயக்கத்தில் நடிக்கவுள்ளார், அப்படத்தில் நடிகை நயன்தாராவை நடிக்கவைக்க பேச்சுவார்த்தை நடைபெற்று வருவதாக கூறப்பட்டது.

இந்நிலையில் இது குறித்து நயன்தாரா தரப்பில் அளித்துள்ள விளக்கம் என்னவென்றால், "இதுவரை அப்படி எந்தவொரு பேச்சுவார்த்தையும் நடைபெறவில்லை.

ஆகையால் இதில் உண்மையில்லை" என கூறியுள்ளனர். மேலும் இதற்கு முன் சிம்பு மற்றும் நயன்தாரா வல்லவன் மற்றும் இது நம்ம ஆளு படத்தில் நடித்திருந்தனர் என்பது குறிப்பிடத்தக்கது.