கார்த்திகை தீபம் எபிசோட் அப்டேட்: கார்த்திக் குடும்பத்துக்குக் கிடைத்த புது நம்பிக்கை...

கார்த்திகை தீபம்

Zee தமிழில் திங்கள் முதல் சனி வரை இரவு 9 மணிக்கு ஒளிபரப்பாகி வரும் ‘கார்த்திகை தீபம்’ சீரியலில், அடுத்தடுத்து நடக்கும் திருப்பங்களால் கதை விறுவிறுப்பாகப் போய்க்கொண்டிருக்கிறது.

அந்த வகையில், வரப்போகும் எபிசோடில் என்னென்ன நடக்கப்போகிறது என்பதைப் பார்க்கலாம்.

இதயம் கிடைத்த மகிழ்ச்சியில் கார்த்திக்!

கார்த்திக்கிற்கு அருண் போன் செய்து, மூளைச்சாவு அடைந்த ஒருவரின் இதயம் கிடைத்து விட்டதாகவும், அந்த நபரின் குடும்பத்தினரும் இதயத்தைத் தானமாகக் கொடுக்கச் சம்மதித்து விட்டதாகவும் சந்தோஷமான செய்தியைச் சொல்கிறார். இதைக் கேட்டு மகிழ்ச்சியடையும் கார்த்திக், உடனே மருத்துவரிடம் விஷயத்தைத் தெரிவிக்கிறார். இவ்வளவு சீக்கிரம் இதயம் கிடைக்கும் என்று எதிர்பார்க்கவில்லை என்றும், கடவுளின் கருணையால் எல்லாமே நல்லபடியாக நடப்பதாகவும் சொல்லி மருத்துவர் நிம்மதி அடைகிறார்.

பதற்றத்தில் சந்திரகலா... தொடங்கும் சதித் திட்டம்!

இவர்கள் பேசிக்கொண்டிருப்பதை சந்திரகலாவின் ஆளான ஒரு நர்ஸ் ஒட்டுக் கேட்டு விடுகிறார். உடனே சந்திரகலாவிடம் இந்த விஷயத்தைச் சொல்ல, அவர் அதிர்ச்சியடைவதுடன் ஆத்திரமும் அடைகிறார். எப்படியாவது அந்த இதயம் கார்த்திக் குடும்பத்துக்குப் போய்ச் சேரக்கூடாது என்று முடிவெடுக்கிறார்.

இதற்காகச் சிறையில் இருக்கும் சிவனாண்டியைத் தொடர்பு கொள்கிறார் சந்திரகலா. அவரும், தனக்கு நம்பிக்கையான மருதுவை வைத்து இந்த வேலையை முடிக்கச் சொல்லி திட்டம் போடுகிறார். இதையடுத்து, கோயம்புத்தூரில் இருக்கும் மருதுவிடம் பேசும் சந்திரகலா, சிவனாண்டிக்கு உதவி செய்ய வேண்டும் என்றும், அந்த இதயம் கார்த்திக் குடும்பத்துக்குப் போய்ச் சேரவே கூடாது என்றும் உத்தரவிடுகிறார். சிவனாண்டிக்காக எதையும் செய்யத் தயாராக இருக்கும் மருதுவும் இந்தச் சதித் திட்டத்துக்கு சம்மதிக்கிறான்.

இதயத்தைப் பெற்றுக்கொள்ளும் அருண், இளையராஜா!

மறுபக்கம், அருணும் இளையராஜாவும் இதயத்தைத் தானமாகக் கொடுக்க முன்வந்த நபரின் மருத்துவமனைக்கு செல்கிறார்கள். அங்கு சோகத்தில் இருக்கும் அந்தக் குடும்பத்தினருக்கு ஆறுதல் சொல்லிவிட்டு, அறுவை சிகிச்சை மூலம் எடுக்கப்பட்ட இதயத்தைப் பெற்றுக்கொள்கிறார்கள்.

ஆனால், மோசமான வானிலை காரணமாக விமானத்தில் செல்ல முடியாத சூழல் ஏற்படுகிறது. இதனால், நேரத்தை வீணாக்காமல் ஆம்புலன்ஸ் மூலமாகவே இதயத்தைக் கொண்டு செல்ல முடிவெடுக்கிறார்கள்.

ஆம்புலன்ஸைத் துரத்தும் லாரி... அடுத்து நடக்கப்போவது என்ன?

இதயத்தை ஏற்றிக்கொண்டு ஆம்புலன்ஸ் வேகமாகச் செல்ல, அதை எப்படியாவது தடுத்து நிறுத்த வேண்டும் என்று மருது திட்டம் போடுகிறான். இதற்காக ஒரு லாரியை ஏற்பாடு செய்து, ஆம்புலன்ஸைத் துரத்திச் செல்கிறான். ஒரு கட்டத்தில், ஆம்புலன்ஸின் மீது லாரியை மோதவிட்டு விபத்தை ஏற்படுத்தவும் முயற்சி செய்கிறான்.

மருதுவின் இந்தச் சதியிலிருந்து ஆம்புலன்ஸ் தப்பித்து கார்த்திக்கிடம் பத்திரமாகப் போய்ச் சேருமா? சாமுண்டீஸ்வரியின் உயிரைக் காப்பாற்றும் முயற்சி வெற்றி பெறுமா? என்பது குறித்து அறிய கார்த்திகை தீபம் சீரியலை உங்கள் Zee தமிழ் தொலைக்காட்சியில் காணத்தவறாதீர்கள்.