கே.ஜி.எப் 2 திரைப்படத்தின் ரிலீஸ் குறித்து வெளியான அறிவிப்பு, எதிர்பார்ப்பில் ரசிகர்கள்!

கடந்த 2018-ஆம் ஆண்டு வெளியான கே.ஜி.எப் முதல் பாகம் வெற்றி பெற்றதால், தற்போது கே.ஜி.எப் 2 இரண்டாம் பாகத்தையும் எடுத்து முடித்துள்ளார் இயக்குநர் பிரஷாந்த் நீல்.

இப்படத்தில் யாஷுடன் ஸ்ரீநிதி ஷெட்டி, சஞ்சய் தத், பிரகாஷ் ராஜ், ரவீனா டாண்டன் உள்ளிட்டோர் நடித்துள்ளனர், இதன் டீசர் சமீபத்தில் வெளியாகி பெரும் வரவேற்பை பெற்றது.

மேலும் இப்படம் ஜூலை 16 ஆம் தேதி உலகம் முழுக்க வெளியாகும் என்று அதிகாரபூர்வமாக அறிவிக்கப்பட்டது. ஆனால், கொரோனா இரண்டாவது அலை காரணமாக இப்படத்தின் வெளியீடு தள்ளி வைக்கப்பட்டது.

இந்நிலையில் இயக்குநர் பிரஷாந்த் நீல் வெளியிட்டுள்ள ட்விட்டர் பதிவில் 'தியேட்டர்களில் கேங்ஸ்டர்கள் நிறைந்திருக்கும் போது தான் மான்ஸ்டர் வருவார். அவர் வரும் புதிய தேதியை விரைவில் அறிவிப்போம்' என்று அதிகாரபூர்வமாக தெரிவித்திருக்கிறார்.