குட் நைட் ஹீரோ மணிகண்டன் நடிக்கும் 'லவ்வர்' படத்தின் முதல் விமர்சனம்.. இதோ

மணிகண்டன்

தமிழ் சினிமாவில் தற்போது வளர்ந்து வரும் நடிகர்களில் ஒருவர் மணிகண்டன். இவர் தேர்ந்தெடுத்து நடிக்கும் ஒவ்வொரு படங்களும் மக்கள் மனதை தொடுகிறது. ஜெய் பீம், குட் நைட் போன்ற படங்களை இதற்கு உதாரணமாக கூறலாம்.

இதில் கடந்த ஆண்டு வெளிவந்த குட் நைட் திரைப்படம் 2023ஆம் ஆண்டில் தமிழ் சினிமாவின் டாப் 10 சிறந்த திரைப்படங்களில் ஒன்றாக இடம்பிடித்து இருந்தது. இப்படத்தில் மணிகண்டனுடைய நடிப்பு மிகவும் எதார்த்தமாக இருந்ததை நாம் பார்த்தோம்.

லவ்வர்

இந்நிலையில், குட் நைட் வெற்றியை தொடர்ந்து மணிகண்டன் நடிப்பில் உருவாகி வருகிற பிப்ரவரி 9ஆம் தேதி திரைக்கு வரவிருக்கும் திரைப்படம் தான் லவ்வர். பிரபுராம் இயக்கத்தில் உருவாகியுள்ள இப்படத்திற்கு ஷான் ரோல்டன் இசையமைத்துள்ளார்.

ஏற்கனவே வெளிவந்த இப்படத்தின் டீசர் மற்றும் பாடல் ரசிகர்களை கவர்ந்துள்ள நிலையில், லவ்வர் படத்தின் மீது எதிர்பார்ப்பை உண்டாக்கியுள்ளது. இப்படத்தில் மணிகண்டனுடன் இணைந்து ஸ்ரீ கௌரி பிரியா நடித்துள்ளார். இவர் மாடர்ன் லவ் சென்னை ஆந்தாலஜி படத்தில் ராஜூமுருகன் இயக்கிய லாலா குண்டா பொம்மைகள் என்ற எபிசோடில் நடித்திருந்தார் என்பது குறிப்பிடத்தக்கது.

மேலும் கண்ணா ரவியும் இப்படத்தில் முக்கிய வேடத்தில் நடித்துள்ளார். லோகேஷ் கனகராஜின் கைதி, மடோன் அஸ்வின் இயக்கிய மண்டேலா ஆகிய படங்களில் கண்ணா ரவி நடித்திருந்தார்.

இந்நிலையில், மணிகண்டனின் லவ்வர் படத்தின் முதல் விமர்சனம் தற்போது வெளியாகியுள்ளது. படம் பார்த்த விநியோகஸ்தர் ஒருவர் தன்னுடைய விமர்சனத்தை எக்ஸ் தளத்தில் பதிவு செய்துள்ளார்.

இதோ அவருடைய விமர்சனம் :

"சமீபத்தில் நான் பார்த்த சிறந்த காதல் திரைப்படங்களில் ஒன்று லவ்வர். நிறைய விஷயங்களை தொடர்புபடுத்திக்கொள்ள முடிந்தது. கண்டிப்பாக படம் 50 நாட்களுக்கும் மேல் ஓடும். இப்படத்தின் மூலம் மணிகண்டனின் ரசிகராக மாறிவிட்டேன்" என தனது விமர்சனத்தை கூறியுள்ளார்.

Watched #Lover ❤️❤️
One of THE BEST Love Films came in recent times ❤️

Such a wonderful film with so much to relate, many clap worthy moments?
Became a huge fan of @Manikabali87 ?

Sureshot to run 50 days in Multiplexes ??

In Theatres From Feb 9th… Dont Miss it? pic.twitter.com/5UAJE6PZau

— Harshath RVS (@Harshath_rvs) January 30, 2024