இதுல கூட உங்களுக்கு விளம்பரமா.. நயன்தாராவை விமர்சிக்கும் நெட்டிசன்கள்
Parthiban.A
in பிரபலங்கள்
நடிகை நயன்தாரா இதுவரை தென்னிந்திய படங்களில் மட்டும் கலக்கிவந்த நிலையில் ஜவான் படத்தின் மூலமாக ஹிந்தியிலும் தடம் பதித்துவிட்டார். ஆனால் அந்த படத்தில் அவரது ரோலுக்கு முக்கியத்துவம் குறைவாக இருந்ததாக கமெண்ட் வந்தது.
மேலும் சமீபத்தில் நயன்தாரா நடிப்பில் சமீபத்தில் அன்னபூரணி என்ற படம் ரிலீஸ் ஆனது. அந்த படத்திற்கு கலவையான விமர்சனங்கள் கிடைத்தது.
வெள்ள நிவாரண பொருளில் விளம்பரம்?
இந்நிலையில் தற்போது சென்னையில் பல இடங்கள் இன்னும் வெள்ளத்தில் சிக்கி தவித்து வரும் நிலையில் அரசு மற்றும் தன்னார்வலர்கள் உதவி செய்து வருகின்றனர்.
சென்னை வேளச்சேரி பகுதியில் இருக்கும் மக்களுக்காக நயன்தாரா தரப்பில் நிவாரண பொருட்கள் விநியோகம் செய்யப்பட்டு இருக்கிறது.
நயன்தாராவுக்கு சொந்தமான நிறுவனத்தின் பெயர் பெரிய பேனர் ஆக வண்டியில் வைக்கப்பட்டு அதில் இருந்து தான் பொருட்கள் தரப்பட்டு இருக்கிறது. மேலும் வீடியோவின் இறுதியில் சில பெண்கள் நயன்தாராவின் நிறுவனத்தை பாராட்டுவது போலவும் இருக்கிறது.
இந்த இக்கட்டான நேரத்திலும் விளம்பரம் தான் முக்கியமா என சொல்லி நெட்டிசன்கள் பலரும் கமெண்டில் நயன்தாராவை தாக்கி பேசி வருகின்றனர்.
