முரட்டு சிங்கிள் ஹீரோவுடன் ஜோடி சேரும் நடிகை நயன்தாரா.. யார் தெரியுமா?

நயன்தாரா

தென்னிந்திய சினிமாவில் அதிக சம்பளம் வாங்கும் நடிகைகளில் ஒருவர் நயன்தாரா. இவர் நடிப்பில் கடைசியாக வெளிவந்த மன சங்கர வர பிரசாத் காரு படம் மாபெரும் வெற்றி பெற்றது.

இதை தொடர்ந்து மூக்குத்தி அம்மன் 2, Hi, ராக்காயி, மண்ணாங்கட்டி என பல திரைப்படங்கள் நயன்தாரா நடிப்பில் வெளிவரவுள்ளன. இந்த படங்களை திரையில் காண ரசிகர்கள் ஆவலுடன் காத்திருக்கிறார்கள்.

ஷாருக்கான் நடிப்பில் வெளிவந்த ஜவான் திரைப்படத்தின் மூலம் பாலிவுட் சினிமாவில் கதாநாயகியாக நயன்தாரா அறிமுகமானார். முதல் இந்தி படமே மாபெரும் வெற்றிபெற்றது. அடுத்ததாக நயன்தாரா நடிக்கப்போகும் இந்தி படம் எது என்பது குறித்து கேள்வி எழுந்து வந்த நிலையில், தற்போது அதுகுறித்த தகவல் வெளியாகியுள்ளது.

The Dinosaurs டாக்குமெண்ட்ரி எப்படி இருக்கு? ஒரு சிறப்பு பார்வை

சல்மான் கான்

பாலிவுட் சினிமாவில் உச்ச நட்சத்திரங்களில் ஒருவராகவும், 60 வயதாகியும் திருமணம் செய்துகொள்ளாமல் முரட்டு சிங்கிளாக இருப்பவர் சல்மான் கான். இவருடைய அடுத்த திரைப்படத்தில் நயன்தாரா கதாநாயகியாக நடிக்கவிருக்கிறார் என கூறப்படுகிறது.

இதன்மூலம், முதல் முறையாக சல்மான் கானுடன் இணைந்து நயன்தாரா நடிக்கவிருக்கிறார். விரைவில் இதற்கான அறிவிப்பு வெளியாகிறதா என்பதை பொறுத்திருந்து பார்ப்போம்.