ரசிகர்களிடம் படத்திற்கு தலைப்பை கேட்ட பார்த்திபன் - சுவாரஸ்யமான பதிவு

நடிகர் பார்த்திபன் மிகவும் வித்யாசமான கதைக்களத்தில், தானே இயக்கி, தயாரித்து தனி ஒருவராக நடித்து வெளியான திரைப்படம் ஒத்த செருப்பு.

இப்படத்தின் மூலம் தமிழ் சினிமாவை உலக தரத்திற்கு உயர்த்தினார் இயக்குனர் பார்த்திபன்.

இப்படத்தை திரையுலகினர் பலரும் வியந்து பாராட்டினர். மேலும் இப்படத்திற்கு இரண்டு தேசிய விருதுகள் கிடைத்தன.

சமீபத்தில் ஒத்த செருப்பு படம் இந்தி, மற்றும் ஆங்கிலத்தில் ரீமேக் செய்யப்பட உள்ளதாக பார்த்திபன் அறிவுப்பு ஒன்றை வெளியிட்டு இருந்தார்.

இந்நிலையில் ‘ஒத்த செருப்பு சைஸ் 7’ ஹிந்தி படத்திற்கு என்ன பெயர் வைக்கலாம்? அம்மொழி அறிந்தவர்களுக்கு மட்டும்...'என்று நடிகர் தனது சமூக வலைத்தள பக்கத்தில் பதிவு செய்திருக்கிறார்.

இதற்கு ரசிகர்கள் பல டுவிட்டர் பக்கத்தில் தங்களது கருத்துகளை தெரிவித்து வருகிறார்கள். இதன் முடிவை பார்த்திபன் விரைவில் அறிவிப்பார் என்று எதிர்பார்க்கப்படுகிறது.

‘ஒத்த செருப்பு-size 7’ ஹிந்திக்கு என்ன பெயர் வைக்கலாம்?
அம்மொழி அறிந்தவர்களுக்கு மட்டும்... pic.twitter.com/crY3i5K1pL

— Radhakrishnan Parthiban (@rparthiepan) June 5, 2021