RRR படத்தால் பொங்கல் ரேஸில் இருந்து வெளியேறிய பிரம்மாண்ட படம்

பண்டிகை காலத்தில் படங்களை ரிலீஸ் செய்ய தான் தயாரிப்பாளர்கள் வரிசைகட்டி நிற்பார்கள். தமிழில் அஜித்தின் வலிமை படம் பொங்கலுக்கு மிகப்பெரிய எதிர்பார்ப்புடன் வருகிறது. மேலும் ராஜமௌலியின் பிரம்மாண்டமான ஆர்ஆர்ஆர் படமும் ஜனவரி 7ம் தேதி ரிலீஸ் ஆகிறது.

தெலுங்கில் ஆர்ஆர்ஆர் படத்துடன் போட்டியாக பிரபாஸின் ராதே ஷ்யாம் மற்றும் பவன் கல்யாணின் பீம்லா நாயக் ஆகிய படங்கள் ரிலீஸ் ஆகும் என முன்பு அறிவிக்கப்பட்டு இருந்தது.

ஆனால் தற்போது ஜனவரி 12ம் தேதி ரிலீஸ் ஆக வேண்டிய பீம்லா நாயக் படம் ஒரு மாதம் தள்ளிப்போய் பிப்ரவரி 25ம் தேதி ரிலீஸ் ஆகும் என அறிவிக்கப்பட்டு இருக்கிறது.

மூன்று பிரம்மாண்ட படங்கள் தெலுங்கில் ஒரே நேரத்தில் ரிலீஸ் ஆனால் தியேட்டர் கிடைப்பதில் சிக்கல் ஏற்படும், வசூலும் பாதிக்கும் என்பதால் தயாரிப்பாளர் சங்கம் தான் பேச்சுவார்த்தை நடத்தி தற்போது பீம்லா நாயக் படத்தை மஹா சிவராத்ரியை குறிவைத்து ரிலீஸ் செய்ய ஒப்புகொள்ள வைத்திருக்கிறார்கள்.

பீம்லா நாயக் படத்தின் தயாரிப்பாளர் பவர் ஸ்டார் ரசிகர்களிடம் இதற்காக மன்னிப்பு கோரி இருக்கிறார். பவர் கல்யாண் காரு சொன்னதால் தான் இதற்கு ஒப்புக்கொண்டதாக அவர் கூறியுள்ளார்.

Apologies to all the fans. ? Sorry, it was out of my hands.

I had to go by our hero @PawanKalyan gari words. As you'll know he's always inclined to the welfare of this industry.

I promise you all, this Shivarathri, a storming force will hit the screens! #BheemlaNayakon25thFeb pic.twitter.com/AerZICBAfs

— Naga Vamsi (@vamsi84) December 21, 2021