ஐசியூ பிரிவில் ரஜினிகாந்த்.. மருத்துவமனை வெளியிட்ட புது தகவல்
Bhavya
in பிரபலங்கள்
ரஜினிகாந்த்
சினிமாவில் முன்னணி நடிகராக 73 வயதை எட்டியும் தற்போது இருக்கும் இளம் நடிகர்களுக்கு போட்டியாக பல படங்களில் பிஸியாக நடித்து கொண்டு இருப்பவர் நடிகர் ரஜினிகாந்த்.
தற்போது இவர் நடிப்பில் வேட்டையன் படம் வரும் 10 - ம் தேதி வெளிவர உள்ளது. அதை தொடர்ந்து, லோகேஷ் கனகராஜ் இயக்கத்தில் கூலி படத்தில் ரஜினி நடித்து வருகிறார்.
இந்நிலையில், நேற்று அவர் சென்னை அப்பல்லோ மருத்துவமனையில் அட்மிட் ஆகி இருந்தார் என தகவல் வெளியானது.
ஐசியூ பிரிவில் ரஜினிகாந்த்
அவருக்கு அடிவயிற்றில் ஸ்டெண்ட் பொறுத்தப்பட்டு, ஆஞ்சியோ சிகிச்சை சற்று நேரத்திற்கு முன் மேற்கொள்ளப்பட்டு அவர் ஐசியூ-வில் தற்போது அனுமதிக்கப்பட்டுள்ளார்.
24 மணி நேரத்திற்கு ரஜினிகாந்த் ஐசியூ பிரிவில் இருப்பார் எனவும், அதன் பின் சாதாரண வார்டுக்கு மாற்றப்படுவார் எனவும், தற்போது அவர் நலமுடன் இருக்கிறார் எனவும் மருத்துவமனை தரப்பில் இருந்து தகவல் வெளியாகி உள்ளது.
