மாகாபா ஆனந்தை பார்க்க சூப்பர் சிங்கர் நிகழ்ச்சியில் கலந்துகொண்ட போட்டியாளர்.. நெகிழ்ச்சியான தருணம்

மக்கள் மத்தியில் மாபெரும் வெற்றியடைந்த சின்னத்திரை நிகழ்ச்சிகளில் ஒன்று சூப்பர் சிங்கர். இதனுடைய ஜூனியர் 8வது சீசன் சமீபத்தில் தான் துவங்கியது.

கடந்த வாரம் பிரம்மாண்டமாக துவங்கிய, சூப்பர் சிங்கர் சீசன் 8ல் போட்டியாளர்களாக சின்னசிரிய பல குழந்தைகள் கலந்துகொண்டனர்.

இந்த சூப்பர் சிங்கர் சீசன் 8ன் நடுவர்களாக பின்னணி பாடகர்கள் சித்ரா, சங்கர் மகாதேவன், கல்பனா மற்றும் எஸ்.பி சரண் ஆகியோர் உள்ளனர்.

இதில் சித்ரா மற்றும் எஸ்.பி சரண் ஒரு அணியாகவும், கல்பனா மற்றும் சங்கர் மகாதேவன் மற்றொரு அணியாகவும் பிரிந்து தங்களது அணி போட்டியாளர்களை தேர்ந்தெடுக்கவுள்ளனர்.

துவக்க நிகழ்ச்சியை தொடர்ந்து இந்த வாரம் செலக்ஷன் சுற்று நடைபெறவுள்ளது. இதில் பாடிய ஒரு போட்டியாளர், சூப்பர் சிங்கர் நிகழ்ச்சி வர காரணமே மாகாபா ஆனந்தை பார்க்க தானாம்.

இதனால் மாகாபாவும் சற்று நெகிழ்ந்துவிட்டார். இதனை தற்போது வெளியாகியுள்ள சூப்பர் சிங்கர் ப்ரோமோவில் தெரிவித்துள்ளனர். இதோ அந்த ப்ரோமோ வீடியோ..