பழனி கோவிலில் சாமி தரிசனம் செய்த நடிகர் சிவகார்த்திகேயன்.. வெளியான புகைப்படம்

நடிகர் சிவகார்த்திகேயன் நடிப்பில் தற்போது ‘டான்’ படம் உருவாகி வருகிறது.

இப்படத்தின் இறுதிகட்ட படப்பிடிப்பு பழனி மற்றும் சுற்றுவட்டார பகுதிகளில் கடந்த சில நாட்களாக நடந்து வந்தது.

தற்போது படப்பிடிப்பு நிறைவடைந்த நிலையில் இன்று காலை நடிகர் சிவகார்த்திகேயன் படக்குழுவினருடன் பழனி கோவிலுக்கு சென்றுள்ளார்.

சாமி தரிசனம் செய்து முடித்தவுடன், அங்கிருந்தவர்களுடன் புகைப்படமும் எடுத்துக்கொண்டுள்ளார் நடிகர் சிவகார்த்திகேயன்.

வெள்ளிக்கிழமை முதல் ஞாயிறுவரை கோவில்கள் அடைக்கப்படும் என்பதால், முன்னதாக இன்று பழனி கோவிலுக்கு வந்து சாமி தரிசனம் செய்ததாக அவர் தெரிவித்துள்ளாராம்.

 சாமி தரிசனம் செய்த கையுடன் உடனடியாக அவர் சென்னைக்கு சென்றுள்ளார்.