5 முன்னணி நடிகர்களுக்கு ரெட் கார்டு? தயாரிப்பாளர் சங்கம் அதிரடி

தமிழ் சினிமா துறையில் நடிகர்களுக்கு ரெட் கார்டு போடப்படுவது இதற்கு முன் பலமுறை நடந்திருக்கிறது. தற்போது தமிழ் திரைப்பட தயாரிப்பாளர் சங்கம் 5 முக்கிய ஹீரோக்கள் மீது புகார் கூறி, அவர்களுக்கு நோட்டீஸ் அனுப்பி இருக்கிறது.

தயாரிப்பாளர்களிடம் அட்வான்ஸ் வாங்கிக்கொண்டு தேதி கொடுக்கலாம் இருப்பது உள்ளிட்ட பல புகார்கள் வந்ததால் இந்த நடவடிக்கை எடுக்கப்பட்டு இருக்கிறது.

ரெட் கார்டு

சிம்பு, விஷால், அதர்வா, யோகி பாபு, எஸ்.ஜெ.சூர்யா உள்ளிட்ட நடிகர்களுக்கு நோட்டீஸ் அனுப்பப்பட்டு இருப்பதாகவும் தகவல் வெளியாகி இருக்கிறது.

நடிகர்கள் நோட்டீஸுக்கு பிறகும் இதை தொடர்ந்தால் அவர்கள் உடன் இனி எந்த தயாரிப்பாளரும் பணியாற்ற கூடாது என முடிவெடுத்து இருப்பதாக தயாரிப்பாளர் சங்க தலைவர் தெரிவித்து இருக்கிறார்.

மேலும் தியேட்டர் வாசலில் எடுக்கப்படும் விமர்சனங்கள் மூன்று நாட்களுக்கு பிறகு தான் வரவேண்டும் எனவும் தயாரிப்பாளர் சங்கம் தீர்மானம் நிறைவேற்றி இருப்பது குறிப்பிடத்தக்கது. அந்த விமர்சனங்களால் தயாரிப்பாளர் ஒரு ஆள் மட்டும் தான் அதிகம் நஷ்டம் அடைகிறார் எனவும் கூறி இருக்கின்றனர்.

நடிகை சதா இப்போது எப்படி இருக்கிறார் பாருங்க..