தமிழ் சினிமாவின் சிறந்த தொகுப்பாளர்கள்- ஒரு பார்வை

தொகுப்பாளராக பணிபுரிவது என்பது சாதாரணமான விஷயம் கிடையாது. ஒரு நிகழ்ச்சிக்கு தேவையான விஷயங்களை அவர்கள் கொடுத்தால் தான் நன்றாக இருக்கும்.

தமிழ் சினிமாவிலும் சிறந்த தொகுப்பாளர்கள் பலர் உள்ளார்கள், அவர்கள் யார் யார் என்பதை தான் இப்போது பார்க்க இருக்கிறோம். இது ரேட்டிங் அடிப்படை என்று இல்லாமல் மக்களால் அதிகம் கொண்டாடப்படுவர்கள் என்ற வரிசையில் இந்த லிஸ்ட் அமைந்துள்ளது.

திவ்யதர்ஷினி என்கிற டிடி

டிடி இந்த பெயர் சினிமா பிரபலங்கள் இடையே மிகவும் பிரபலம். இவர் தொகுத்து வழங்கும் நிகழ்ச்சிகள் எப்போதும் மிகவும் கலகலப்பாக சிரிப்புடனே இருக்கும். காப்பி வித் டிடி என்ற நிகழ்ச்சி தான் தொகுப்பாளினியாக டிடி உயர உதவியாக இருந்தது.

அதைதொடர்ந்து அன்புடன் டிடி, என்கிட்ட மோதாதே போன்ற நிகழ்ச்சிகள் டிடி இருந்ததால் இன்னும் நன்றாக ஓடியது என்றே கூறலாம். இவர் எந்த நிகழ்ச்சியாக இருந்தாலும் ஒரு எபிசோடுக்கு ரூ. 4ல் இருந்து 5 லட்சம் சம்பளம் பெறுவதாக கூறப்படுகிறது.

அஞ்சனா ரங்கன்

இவரும் தமிழ் சினிமாவில் கலக்கிய ஒரு தொகுப்பாளினி. சன் மியூசிக் தொலைக்காட்சியில் 2009ம் ஆண்டு தனது பயணத்தை தொடங்கியவர், அதில் அவர் ஏகப்பட்ட நிகழ்ச்சிகளை தொகுத்து வழங்கி இருக்கிறார்.

நீங்களும் நாங்களும், வெட்டி பேச்சு, சூரிய வணக்கம் நிகழ்ச்சிகள் எல்லாம் செம ஹிட். கோலிவுட் நடிகர்கள் பலரையும் பேட்டி எடுத்திருக்கிறார். பின் திருமணம், குழந்தை என கேமரா பக்கம் வராமல் இருந்த அஞ்சனா இப்போது மீண்டும் நிகழ்ச்சிகள் தொகுத்து வழங்குவது என இருக்கிறார்.

மணிமேகலை

இவரும் சன் மியூசிக் தொலைக்காட்சியில் பணியாற்றியவர். அஞ்சனாவும், மணிமேகலையும் சகோதரிகள் என நினைத்தவர்கள் பலர். தற்போது மணிமேகலை திருமணத்திற்கு பிறகு விஜய் தொலைக்காட்சியிலேயே அதிகம் பணியாற்றி வருகிறார்.

இவரும் ஹாட் சீட், வெட்டி பேச்சு போன்ற நிகழ்ச்சிகளை ஹிட்டாக தொகுத்து வழங்கினார்.

பிரியங்கா தேஷ்பாண்டே

இவர் டிடியை போல விஜய் தொலைக்காட்சியின் சொத்தாக இருக்கிறார். எந்த நிகழ்ச்சியை கொடுத்தாலும் அதை 100% உழைப்பு கொடுத்து ஹிட்டாக்கிவிடுகிறார். கலகலப்பாக தன்னை யார் கலாய்த்தாலும் ஜாலியாக எடுத்துக் கொள்வார்.

இவர் நிகழ்ச்சியை கொண்டு செல்லும் ஸ்டைல் தனி விதமாக இருக்கும்.

மாகாபா ஆனந்த்

இவர் தான் ஆண்களில் படு பிரபலமாக இப்போது இருக்கும் தொகுப்பாளர். விஜய் தொலைக்காட்சி எடுத்துக் கொண்டால் இவர் கை வைக்காத நிகழ்ச்சி இல்லை என்ற அளவிற்கு எல்லா நிகழ்ச்சிகளையும் ஒரு கை பார்த்துவிடுகிறார்.

இவர்களை தாண்டி

• கோபிநாத்
• ஈரோடு மகேஷ்
• ரக்ஷன்
• பாவனா
• கீர்த்தி
• நக்ஷத்ரா
• ரம்யா
• அர்ச்சனா
• மைதிலி மாணிக்கம்
• திலீப் ராயன்
• ஆர்த்தி கணேஷ்
• மோனிகா
• தியா மேனன்
• ஐஸ்வர்யா
• அர்ச்சனா மோகன்
• அசார்
• அபிராமி ஐயர்
• பவித்ரா
  

என பலர் தொகுப்பாளர்களாக கலக்கி வருகிறார்கள். 

விஜய் டிவி பக்கமே வர மாட்டேன்- தொகுப்பாளினி பாவனா அதிரடி, ஏன் தெரியுமா?