விஜய்யை தொடர்ந்து ரஜினிக்கு வில்லனாகும் 67 வயது நடிகர்.. வேற லெவல் மாஸ்
Kathick
in திரைப்படம்
தலைவர் 171
ரஜினிகாந்த் தற்போது TJ ஞானவேல் இயக்கத்தில் உருவாகி வரும் வேட்டையன் படத்தில் நடித்து வருகிறார். இப்படத்தை முடித்த கையோடு லோகேஷ் கனகராஜ் இயக்கத்தில் தலைவர் 171 படத்தில் நடிக்கவுள்ளார்.
இப்படத்திற்கான டைட்டில் டீசர் வருகிற 22ஆம் தேதி வெளியாகவுள்ளது. இதற்கான டீசரும் தற்போது தயாராகிவிட்டது. கண்டிப்பாக இது ரஜினி ரசிகர்களுக்கு மிகப்பெரிய ட்ரீட் ஆக அமையும் என எதிர்பார்க்கப்படுகிறது.
தலைவர் 171 படத்தில் ரஜினியுடன் இணைந்து ஷோபனா நடிக்க போகிறார், 33 ஆண்டுகளுக்கு பின் இருவரும் இணைகிறார்கள் என தகவல் வெளியாகியுள்ளது. ஆனால், இதுகுறித்து இதுவரை அதிகாரப்பூர்வமான அறிவிப்பு வெளியாகவில்லை.
தலைவர் 171 வில்லன்
இந்த நிலையில், தலைவர் 171 படத்தின் வில்லன் குறித்து தகவல் வெளியாகியுள்ளது. அதன்படி, இப்படத்தின் வில்லனாக நடிக்க நடிகர் மைக் மோகனிடம் பேச்சு வார்த்தை நடந்து வருகிறதாம். மேலும் விஜய் சேதுபதி இப்படத்தில் ஒரு முக்கிய கதாபாத்திரத்தில் நடிக்கவிருப்பதாகவும், பாலிவுட் கிங் கான் ஷாருக்கான் கேமியோ ரோலில் நடிக்கிறார் என சொல்லப்படுகிறது.
வெங்கட் பிரபு இயக்கத்தில் விஜய் நடிப்பில் உருவாகி வரும் Goat திரைப்படத்தில், வில்லனாக நடித்து வரும் நடிகர் மோகன் தற்போது விஜய்யை தொடர்ந்து ரஜினிக்கும் வில்லனாகிறாரா என அதிகாரப்பூர்வ அறிவிப்பு வெளிவரும் வரை பொறுத்திருந்து பார்ப்போம்.
