பாக்ஸ் ஆபிஸில் தள்ளாடும் தெறி ரீ-ரிலீஸ்.. இதுவரை செய்துள்ள வசூல் எவ்வளவு தெரியுமா?

ரீ-ரிலீஸ் 

விஜய் நடித்து ரசிகர்களின் மனம் கவர்ந்த திரைப்படங்களை சமீபகாலமாக ரீ-ரிலீஸ் செய்து வருகிறார்கள். கில்லி, சச்சின் போன்ற படங்கள் ரீ-ரிலீஸ் செய்யப்பட்டு வசூலில் நல்ல வரவேற்பை பெற்றது. இதுவரை தமிழ் சினிமாவில் ரீ-ரிலீஸ் செய்யப்பட்ட படங்களிலேயே அதிக வசூல் செய்த படம் என்கிற சாதனையை கில்லி படைத்துள்ளது. அந்த வரிசையில் பெரிதும் எதிர்பார்க்கப்பட்டு ரீ-ரிலீஸ் செய்யப்பட்ட படம் தான்.

விஜய்யின் திரை வாழ்க்கையில் மாபெரும் வெற்றிபெற்ற திரைப்படங்களில் ஒன்று தெறி. இப்படத்தின் மூலம் முதல் முறையாக அட்லீ - விஜய் கூட்டணி அமைத்தனர். இப்படத்தின் வெற்றியை தொடர்ந்து மெர்சல், பிகில் என தொடர் வெற்றிகளை கொடுத்தனர்.

வசூல் 

கடந்த வாரம் தெறி படம் ரீ-ரிலீஸ் ஆன நிலையில், எதிர்பார்த்த அளவிற்கு வரவேற்பு கிடைக்கவில்லை. இதனால், பாக்ஸ் ஆபிஸில் மிகவும் குறைவான வசூல் வந்துள்ளது. இந்த நிலையில், மூன்று நாட்களில் தெறி ரீ-ரிலீஸ் எவ்வளவு வசூல் செய்துள்ளது என்பது குறித்து தகவல் வெளியாகியுள்ளது.

அதன்படி, இப்படம் மூன்று நாட்களில் ரூ. 1.2 கோடி மட்டுமே பாக்ஸ் ஆபிஸில் வசூலித்துள்ளது. இது மிகவும் குறைவான வசூலாகும் என்பது குறிப்பிடத்தக்கது.