அடுத்தடுத்து வெளியாகவுள்ள தமிழ் திரைப்படங்கள்.. இனி பாக்ஸ் ஆபிசில் வசூல் வேட்டை தான்..

சமீபத்தில் கமல் ஹாசன் நடிப்பில் வெளிவந்த விக்ரம் திரைப்படம் மாபெரும் வெற்றிபெற்று, உலகளவில் பாக்ஸ் ஆபிசில் சாதனை படைத்துள்ளது.

அடுத்தடுத்து வெளியாகவுள்ள தமிழ் திரைப்படங்கள்

இந்நிலையில், விக்ரம் படத்தை தொடர்ந்து அடுத்தடுத்து ரசிகர்களின் எதிர்பார்ப்பில் உருவாகி வெளியாகவுள்ள, முன்னணி நட்சத்திரங்களின் திரைப்படங்கள் குறித்து தகவல் வெளியாகியுள்ளது.

அதன்படி, வருகிற ஜூலை 18ஆம் தேதி தனுஷ் நடித்துள்ள திருச்சிற்றம்பலம் திரைப்படம் திரைக்கு வருகிறது. இதனை தொடர்ந்து, ஆகஸ்ட் 11ஆம் தேதி விக்ரமின் கோப்ரா மற்றும் ஆகஸ்ட் 18ஆம் தேதி சிம்புவுடன் வெந்து தணிந்தது காடு வெளியாகவுள்ளது.

இதில் வெந்து தணிந்தது காடு இந்த தேதியில் வெளியிட படக்குழு இதுவரை உறுதிசெய்யவில்லை. இதன்பின், பெரிதும் எதிர்பார்க்கப்படும் சிவகார்த்திகேயனின் பிரின்ஸ் மற்றும் கார்த்தியின் விருமன் ஆகிய இரு திரைப்படங்கங்களும் ஒன்றாக வெளியாகிறது.

மேலும், செப்டம்பர் 8 - கேப்டன், செப்டம்பர் 15 - அகிலன், செப்டம்பர் 30 - பொன்னியின் செல்வன் மற்றும் ருத்ரன் ஆகிய படங்கள் வெளியாகிறது. இதன்பின் நவம்பர் மாதம் தீபாவளி அன்று கார்த்தியின் சர்தார் வெளியாவதாக தெரிவிக்கின்றனர்.