வலிமை படத்தின் ரிலீஸ் தேதி இதுதானா.. ரசிகர்களுக்கு காத்திருக்கும் சர்ப்ரைஸ்

எச். வினோத் இயக்கத்தில் தல அஜித்தின் நடிப்பில் உருவாகியுள்ள திரைப்படம் வலிமை. இப்படத்தை போனி கபூர் தயாரித்திருக்கிறார்.

இப்படத்தில் அஜித்துடன் இணைந்து கார்த்திகேயா, ஹுமா குரேஷி, உள்ளிட்ட பல முன்னணி நட்சத்திரங்கள், முக்கிய கதாபாத்திரத்தில் நடித்துள்ளனர்.

இப்படத்தில் முதல் பாடல் 'நாங்க வேற மாரி' வெளியாகி, ரசிகர்கள் மத்தியில் அமோக வரவேற்பை பெற்றது.

அதே போல் இப்படத்தின் Glimpse வீடியோவும் ,வெறித்தனமாக தல அஜித்தின் ரசிகர்களால் இணையத்தில் கொண்டாடப்பட்டது.

அதனை தொடர்ந்து இப்படத்தின் அடுத்த பாடல் எப்போது வெளியாகும் என்று தான் ரசிகர்கள் ஆவலுடன் எதிர்பார்த்து காத்துகொண்டு இருக்கிறார்கள்.

மிகப்பெரிய எதிர்பார்ப்பில் இருந்து வலிமை படம், வரும் 2022ஆம் ஆண்டு பொங்கலுக்கு வெளியாகும் என்று படக்குழு அறிவித்திருந்தது. ஆனால் எந்த தேதி என்று இதுவரை குறிப்பிடவில்லை.

இந்நிலையில் வரும் 2022ஆம் ஆண்டு பொங்கல் பண்டிகையை முன்னிட்டு, ஜனவரி 12ஆம் தேதி அஜித்தின் வலிமை உலகமெங்கும் வெளியாகும் என்று தகவல் வெளியாகியுள்ளது.

விரைவில் இதுகுறித்து படக்குழுவிடம் இருந்து அதிகாரபூர்வமான தகவல் வெளியாகும் என்று எதிர்பார்க்கப்படுகிறது.