வேலன் திரைவிமர்சனம்

பிக் பாஸ் நிகழ்ச்சியின் மூலம் தமிழ் ரசிகர்களின் மனதில் இடம்பிடித்த முகேன் ராவ் அறிமுகமாகியுள்ள படம் வேலன். குடும்ப கதைக்களத்தில் உருவாகியுள்ள இப்படம் முகேன் ரசிகர்கள் மத்தியில் எதிர்பார்ப்பை உண்டாக்கியது. முதல் படத்திலேயே ரசிகர்கள் மத்தியில் எதிர்பார்ப்பை உண்டாக்கியுள்ள முகேன், அதனை முழுமையாக பூர்த்தி செய்தாரா..? இல்லையா..? வாங்க பார்க்கலாம்..

கதைக்களம்

பிரபுவின் மகனான முகேன் ஒழுங்காக படிக்காமல், பன்னிரெண்டாம் வகுப்பை 3 முறை எழுதி பாஸ் செய்ததால் இவர் மீது கோபப்பட்டு, பேசாமல் இருக்கிறார் பிரபு. ஒருவழியாக கல்லூரிக்கு செல்லும் முகேன், அங்கு நாயகி மீனாட்சியை பார்த்ததும் காதல் விழுகிறார்.

மீனாட்சி கேரள மாநிலத்தை சேர்ந்தவர் என்பதால் தன் காதலை மலையாளத்தில் ஒருவரை வைத்து கடிதம் எழுதி கொடுக்கிறார். அந்த கடித்தால் முகேனுக்கும், அவரது காதலுக்கு பிரச்சனை ஏற்படுகிறது.

அதே சமயம் கேரளா எம்.எல்.ஏ. ஹரிஸ் பெரடி, பிரபு மீது இருக்கும் பகையை தீர்க்க முயற்சி செய்கிறார். இறுதியில் முகேன் காதலியை கரம்பிடித்தாரா? இல்லையா? ஹரிஸ் பெரடிக்கும் பிரவுக்கும் இடையே இருக்கும் பிரச்சனை என்ன? என்பதே படத்தின் மீதிக்கதை..

படத்தை பற்றிய அலசல்

முகேனுக்கு இது சிறப்பான அறிமுகமாக அமைந்துள்ளது. முதல் படம் என்று தெரியாதளவிற்கு சிறப்பாக நடிப்பை வெளிப்படுத்தி இருக்கிறார். காதலுக்காக உருகுவது, தந்தை பாசம் என நடிப்பில் ஸ்கோர் செய்கிறார். நாயகியாக நடித்திருக்கும் மீனாட்சி கோவிந்தராஜன், அழகாக வந்து கொடுத்த வேலையை செய்துள்ளார்.

முகேனுடன் செல்லமாக சண்டைபோட்டு கவனிக்க வைத்திருக்கிறார் ப்ரிகிடா. முதல் பாதியில் ராகுலும், இரண்டாம் பாதியில் சூரியும் காமெடியில் சிரிக்க வைத்திருக்கிறார்கள். பிரபு, ஹரிஸ் பெரடி, தம்பி ராமையா ஆகியோர் தங்களது அனுபவ நடிப்பை வெளிப்படுத்தி இருக்கிறார்கள். காதல், காமெடி, பாசம் என்று கமர்சியல் அம்சத்துடன் படத்தை இயக்கி இருக்கிறார் இயக்குனர் கவின்.

நேர்த்தியான திரைக்கதை படத்திற்கு பலம் சேர்த்திருக்கிறது. கோபி ஜெகதீஸ்வரனின் ஒளிப்பதிவு கண்களுக்கு விருந்து அளிக்கிறது. கோபி சுந்தர் இசையில் பாடல்கள் கேட்கும் ரகம். குறிப்பாக முகேன் பாடிய 'சத்தியமா சொல்றேண்டி' என்ற பாடல் அனைவரின் மனதையும் கவர்ந்துள்ளது. படத்தில் இடம்பெற்றுள்ள சில காட்சிகளும், வசங்களும் ரசிகர்களுக்கு சலிப்பு தட்ட வைக்கிறது.

க்ளாப்ஸ்

முகேன் ராவ், பிரபு, சூரி, ராகுல் நடிப்பு

ஒளிப்பதிவு

பாடல்கள், பின்னணி இசை

பல்ப்ஸ்

தேவையில்லதா சில வசங்களும், காட்சிகளும்

மொத்தத்தில் வேலன் கமெர்ஷியல் ரசிகர்களுக்கு விருந்து..

2.5 / 5  




உலகின் அனைத்துப் பாகங்களிலும் இடம் பெறும் வெளிநாட்டு - உள்நாட்டு அரசியல், சினிமா மற்றும் பொருளாதாரத்தை உடனுக்குடன் அறிந்து கொள்ள லங்காசிறிக் குழுமத்துடன் இணைந்திருங்கள்

+44 20 8133 8373
UK
+41 435 080 178
Switzerland
+1 647 694 1391
Canada
+33 182 880 284
France
+49 231 2240 1053
Germany
+1 678 389 9934
US
+61 291 881 626
Australia
lankasri@lankasri.com
Email US