எதிர்பார்த்து ஏமாந்துபோன விஜய் ஃபேன்ஸ்: யாரு கிளப்பி விட்டது இப்படி ஒரு நியூஸ்
Parthiban.A
in திரைப்படம்
நடிகர் விஜய்க்கு எவ்வளவு ரசிகர்கள் இருக்கிறார்கள் என சொல்லி தெரியவேண்டியது இல்லை. அவரது படங்களை அவர்கள் எந்த அளவுக்கு கொண்டாடுவார்கள் என்பதும் எல்லோருக்கும் தெரியும். படத்தை பற்றி ஒரு சின்ன அப்டேட் வந்தாலும் அதை பெரிய அளவில் கொண்டாடிவிடுவார்கள்.
ஏற்கனவே இரண்டு வாரங்களுக்கு முன்பு தான் பீஸ்ட் படத்தின் போஸ்டர் வெளியாகி இருந்தது. அதில் படத்தில் ரிலீஸ் பற்றிய விவரம் இடம்பெற்று இருந்தது. இதனை தொடர்ந்து இன்று மாலை 6 மணிக்கு பீஸ்ட் முதல் சிங்கிள் பற்றிய அப்டேட் வருகிறது என இணையத்தில் தகவல் பரவியது.
விஜய் ரசிகர்கள் எல்லோரும் மிக ஆவலாக காத்திருந்தார்கள். பீஸ்ட் அப்டேட் வரும் என நம்பி ட்விட்டரில் தேசிய அளவில் ட்ரெண்ட் செய்துவிட்டனர். #BeastFirstSingle என்ற டேக்கில் ஒரு லட்சத்திற்கும் அதிகமான ட்விட்கள் பதிவானது.
ஆறு மணி ஆனது.. ஆறரை ஆனது.. ஆனால் அப்டேட் மட்டும் காணோம். அப்போது தான் வந்த செய்தி வதந்தி என்பதை விஜய் ரசிகர்கள் உணர்ந்தார்கள். இப்படி ஒரு நியூஸ் பரப்பியது யார் என்று தான் அவர்கள் தேடிக்கொண்டிருக்கிறார்கள்.
