தளபதி விஜய் போல் நடிக்கும் விஜய் சேதுபதி.. அதுவும் யாருடைய படத்தில் தெரியுமா

விஜய்யின் மாஸ்டர் படத்தை தயாரித்த சேவியர் பிரிட்டோ அடுத்ததாக தயாரிக்கும் திரைப்படம் தான், அழகிய கண்ணே.

இப்படத்தை இயக்குனர் சீனு ராமசாமியின் துணை இயக்குனர் ஆர்.விஜயகுமார் இயக்குகிறார்.

பிரபல பட்டிமன்ற நடுவர் திண்டுக்கல் ஐ.லியோனியின் மகன் லியோ சிவக்குமார் இப்படத்தின் மூலம் தமிழ் திரையுலகில் கதாநாயகனாக அறிமுகமாகிறார்.

கதாநாயகியாக சஞ்சிதா ஷெட்டி நடிக்கிறார். மேலும் பல முன்னணி நடிகர்கள் நடிக்கின்றனர். இப்படத்தின் படப்பிடிப்பு விறுவிறுப்பாக நடைபெற்று வருகிறது.

இந்நிலையில், இப்படத்தில் நடிகர் விஜய் சேதுபதி கவுரவ வேடத்தில் நடித்துள்ளாராம். அவர் மாஸ்டர் விஜய் பாணியில் கல்லூரி பேராசிரியராக நடிப்பதாக கூறப்படுகிறது.

மேலும் அவர் படப்பிடிப்பில் கலந்துகொண்டபோது எடுத்த புகைப்படம் தற்போது இணையத்தில் வெளியாகி உள்ளது.