விஜய் டிவியின் அசத்தலான கலகலப்பான "ஹேப்பி வைஃப் ஹேப்பி லைஃப்" நிகழ்ச்சி

சின்னத்திரை ரசிகர்களுக்கு வார இறுதி நாட்கள் என்றாலே கொண்டாட்டம்தான். அந்த கொண்டாட்டத்தை இன்னும் இரட்டிப்பாக்கும் வகையில், ஸ்டார் விஜய் தொலைக்காட்சி ஒரு புதிய கலகலப்பான ரியாலிட்டி கேம் ஷோவை களம் இறக்கியுள்ளது. விஜய் டிவி ஒரு ஷோவை பண்ணாலே அது வேற லெவல் தான். அந்த வரிசையில் ஒரு புத்தம் புதிய கன்ஷெப்ட் தான் "Happy Wife Happy Life" என்று பெயரிடப்பட்டுள்ள இந்த நிகழ்ச்சி, கடந்த மார்ச் 8, 2026 அன்று பிரம்மாண்டமாக இந்த நிகழ்ச்சி தொடங்கியது.

இதில் பெரிய ஹைலைட் என்னவென்றால்..

எப்போதும் எனர்ஜி குறையாமல் பேசும் ரசிகர்களின் ஃபேவரைட் தொகுப்பாளினி பிரியங்கா தேஷ்பாண்டே இந்த நிகழ்ச்சியைத் தொகுத்து வழங்குகிறார். ஒவ்வொரு ஞாயிற்றுக்கிழமையும் இரவு 8:30 மணிக்கு ஒளிபரப்பாகும் இந்த ஷோ, தம்பதிகளுக்கு இடையேயான புரிதலை மையமாகக் கொண்டது.

ஒவ்வொரு வாரமும் மூன்று பிரபல நட்சத்திர தம்பதிகள் இந்த நிகழ்ச்சியில் இணைகிறார்கள். அதில் பார்ட்னரின் மனதில் ஓடும் எண்ணங்களைக் கண்டுபிடிப்பது, இருவருக்குள் இருக்கும் பிணைப்பை நிரூபிக்கும் வகையிலான குறும்புத்தனமான டாஸ்க்குகள், உணர்ச்சிகரமான சவால்கள் என பல சுவாரஸ்யமான கேம்கள் இதில் இடம்பெறுகின்றன.

இந்த வாரம் ஒளிபரப்பாகும் சிறப்பு எபிசோடில், சீரியல் ஹீரோக்களான வெற்றி வசந்த், அக்ஷயா மற்றும் அவினாஷ் ஆகியோர் தங்கள் நிஜ வாழ்க்கைத் துணைகளுடன் களம் இறங்குகிறார்கள். ஒருவரை ஒருவர் எந்த அளவிற்கு புரிந்து வைத்து இருக்கிறார்கள் என்பதை குட்டி குட்டி கேம்கள் மூலம் கண்டுபிடிக்குறது ஒரு பக்கம்.. பிரியங்காவின் நக்கல் நையாண்டி ஆன ஆங்கரிங் மறுபக்கம். தங்கள் வாழ்க்கைத் துணையைப் பற்றி இவர்கள் எந்தளவுக்குத் தெரிந்து வைத்திருக்கிறார்கள் என்பதைப் பார்க்க ரசிகர்கள் ஆவலாக உள்ளனர். இப்படி சிரிப்பு, காதல் மற்றும் பல ரொமாண்டிக் சர்ப்ரைஸ்கள் இந்த நிகழ்ச்சி முழுவதும் கொட்டி கிடக்கிறது.

எதையெல்லாம் ரொம்ப சரியா சொல்ல போறாங்க எதையெல்லாம் தப்பா சொல்லி மாட்டிக்க போறாங்க இந்த சவால்களில் இவர்கள் எப்படிச் செயல்படப் போகிறார்கள் என்பதுதான் இந்த வார ஹைலைட்.

இந்த வார 'ஹேப்பி வைஃப் ஹேப்பி லைஃப்' நிகழ்ச்சியில் எந்த ஜோடி வின்னர் ஆகப்போகிறது என்பதைப் பார்க்கத் தவறாதீர்கள்