விஜய், அஜித், சூர்யா அளவிற்கு எனக்கு ரசிகர்கள் கூட்டம் இல்லையா... விக்ரம் பதில்

விக்ரம்

தமிழ் சினிமாவில் சேது படம் தொடங்கி இப்போது தங்கலான் வரை படத்துக்கு படம் வித்தியாசம், கடின உழைப்பை போட்டு நடித்து அசத்தி வருபவர் நடிகர் விக்ரம்.

ஒவ்வொரு படத்தில் ஒரு கதைக்காக அவர் எடுக்கும் ரிஸ்கை நாம் கண்கூடாக பார்க்கிறோம்.

அடுத்து விக்ரம் நடிப்பில் பா.ரஞ்சித் இயக்கத்தில் தங்கலான் திரைப்படம் வரும் ஆகஸ்ட் 15ம் தேதி வெளியாக இருக்கிறது.

தற்போது இந்த தங்கலான் படத்திற்காகவும் தன்னை முழுமையாக அர்ப்பணித்து நடித்துள்ளார்.

விக்ரமின் தங்கலான் படம் ப்ரீ புக்கிங்கில் மட்டுமே இத்தனை கோடி வசூலித்துள்ளதா?.. முழு விவரம்

நடிகரின் பதில்

தங்கலான் படத்திற்காக விக்ரம் முழு வீச்சில் புரொமோஷன் செய்து வருகிறார்.

அப்படி ஒரு பத்திரிக்கையாளர் சந்திப்பில் விக்ரமிடம், விஜய், அஜித், சூர்யா ஆகியோருக்கு இருக்கும் ரசிகர்கள் பட்டாளம் உங்களுக்குக் குறைவாக இருப்பது ஏன் என கேள்வி கேட்டுள்ளனர்.

அதற்கு விக்ரம், என்னுடைய ரசிகர்கள் பட்டாளம் குறித்து உங்களுக்கு சரியாக தெரியவில்லை. தங்கலான் படம் வெளியாகும்போது தியேட்டருக்கு வந்து பாருங்கள், எனது ரசிகர்கள் பட்டாளம் தெரியும்.

டாப் 3, 4, 5 என்ற நம்பர் கணக்கெல்லாம் எனக்கு தெரியாது, கவலையுமில்லை. சினிமாவில் என் தேடல் என்பது வேறு.

புதுப்புது பரிணாமங்களில், புதுபுது கதைகளில் நடிப்பது, நம்முடைய சினிமாவை உயர்ந்த தளத்திற்கு எடுத்துச் செல்ல வேண்டும் என்பதே என்னுடைய ஆசை.

விஜய், அஜித், சூர்யா அளவிற்கு எனக்கு ரசிகர்கள் இல்லை என்று சொல்கிறீர்கள், ஒருநாள் இதே கேள்வியை நீங்கள் அவர்களிடம் கேட்பீர்கள் என்று பதிலளித்துள்ளார்.