இளவரசர் ஹரி-மேகன் ஜோடிக்கு எப்போது எங்கு திருமணம் நடந்தது? உண்மையை உடைத்த பேராயர்

இளவரசர் ஹரி-மேகன் ஜோடி சட்டப்பூர்வமாக 2018 மே 19 அன்று விண்ட்சர் மாளிகையில் திருமணம் செய்துக்கொண்டதாக கேன்டர்பரி பேராயர் ஜஸ்டின் வெல்வி தெளிவுப்படத்தியுள்ளார்.

ஓப்ரா உடனான பேட்டியில், எங்கள் திருமணத்திற்கு 3 நாட்களுக்கு முன்பே நாங்கள் திருமணம் செய்துக்கொண்டோம் எனக் கூறி மேகன் பரபரப்பை கிளப்பினார்.

இது யாருக்கும் தெரியாது, ஆனால் நாங்கள் கேன்டர்பரி பேராயர் ஜஸ்டின் வெல்வி மட்டும் அழைத்தோம்.

எங்கள் அறையில் கேன்டர்பரி பேராயர் ஜஸ்டின் வெல்வி முன்னாள் நாங்கள் சபதங்களை பரிமாறிக்கொண்டோம் என மேகன் கூறினார்.

ஐரோப்பிய செய்தித்தாள் ஒன்றுடனான நேர்காணலில் மேகனின் கருத்துக்கள் குறித்து தௌவுப்படுத்திய கேன்டர்பரி பேராயர் ஜஸ்டின் வெல்வி, 2018 மே-19 இளவரசர் ஹரி-மேகனின் அதிகாரப்பூர்வமான திருமண நாளுக்கு முன் தம்பதிகளை நான் பல முறை தனிப்பட்ட முறையில் சந்தித்துள்ளேன்.

2018 மே 19 அன்று விண்ட்சர் மாளிகையில் தான் அவர்களுக்கு அதிகாரப்பூர்வமாக திருமணம் நடந்தது. நான் வேறு நாளில் திருமண சான்றிதழில் கையெழுத்திட்டிருந்தால், நான் கடுமையான குற்றத்தைச் செய்திருப்பேன்.

திருமணம் மே 19 அன்று கொண்டாடப்பட்டது. ஆனால் எங்கள் மற்ற சந்திப்புகளில் என்ன நடந்தது என்று நான் கூறமாட்டேன் என பேராயர் ஜஸ்டின் வெல்வி கூறியுள்ளார்.