டாப் நடிகர்களின் படங்கள் கூட செய்யாத சாதனையை கீர்த்தி சுரேஷின் படம் செய்துள்ளது!

நடிகை கீர்த்தி சுரேஷ் தமிழ், தெலுங்கு என இரண்டு திரையுலகிலும் டாப் நடிகையாக இருந்து வருகிறார். இவருக்கென்றே ஒரு தனி ரசிகர்கள் பட்டாளமே உள்ளது. 

மேலும் தொடர்ந்து முன்னணி நடிகர்களின் படத்தில் நடித்து வரும் கீர்த்தி சுரேஷ் ரஜினியுடன் அண்ணாத்த படத்திலும் நடித்துள்ளார். 

அதுமட்டுமின்றி தெலுங்கு சூப்பர் ஸ்டார் மகேஷ் பாபுவுடனும் ஜோடியாக நடிக்கவுள்ளார். மேலும் கடைசியாக இவர் நடிப்பில் தமிழில் பெண்குயின் திரைப்படம் வெளியானது என்பது குறிப்பிடத்தக்கது. 

இந்நிலையில் இவர் நடிப்பில் சென்ற வருடம் Netflix-ல் வெளியான திரைப்படம் தான் மிஸ் இந்தியா, இப்படம் மக்களின் வரவேற்பை பெற தவறியது என்று தான் கூறவேண்டும்.

மேலும் இப்படத்தின் ஹிந்தி டப் யூடியூப்பில் வெளியாகியுள்ள நிலையில் தற்போது அப்படம் 25 மில்லியனுக்கும் அதிகமான பார்வைகளை பெற்று சாதனை படைத்துள்ளது.