அயலி சீரியல் எபிசோட் அப்டேட்: காளியப்பனின் சதித் திட்டம்! வீட்டை விட்டு வெளியேற்றப்படும் அயலி மற்றும் சிவா!

By Yathrika Nov 16, 2026 06:00 AM GMT
Report

அயலி சீரியல்

Zee தமிழ் தொலைக்காட்சியில் திங்கள் முதல் சனி வரை இரவு 8:30 மணிக்கு ஒளிபரப்பாகி வரும் விறுவிறுப்பான தொடர் 'அயலி'.

இந்தத் தொடரில் அடுத்து என்ன நடக்கப்போகிறது என்ற எதிர்பார்ப்பு ரசிகர்களிடம் அதிகரித்துள்ளது. அடுத்த எபிசோடுகளில் நடக்கப்போகும் அதிரடி திருப்பங்கள் இதோ!

மீண்டும் வீட்டுக்குள் வரும் காளியப்பன்... அதிர்ச்சியில் அயலி!

காளியப்பன் மீண்டும் வீட்டுக்குத் திரும்பி வந்து ஒரு பெரிய நாடகமே போடுகிறான். "நான் வெளியே போனால் எனக்கு எந்த மரியாதையும் கிடையாது. நம்ம குடும்பத்தின் பெயரைச் சொன்னால்தான் எனக்கு மதிப்பு கிடைக்கிறது" என்று உருக்கமாகப் பேசி எல்லோரையும் நம்ப வைக்கிறான்.

அவனுடைய பேச்சைக் கேட்டு வீட்டில் இருப்பவர்களும் அவனைச் சமாதானப்படுத்தி மீண்டும் வீட்டுக்குள் அழைத்துச் செல்கிறார்கள். இதையெல்லாம் பார்க்கும் அயலிக்கு ஒரே அதிர்ச்சி. "இவனுக்கு என்ன தைரியம் இருந்தால் திரும்பவும் வீட்டுக்கு வருவான்? இவனை எப்படி எல்லோரும் நம்புகிறார்கள்?" என்று மனதுக்குள் புலம்புகிறாள்.

சிவா மீது கோபம்... சமாதானப்படுத்த முயற்சிக்கும் ஜான்!

இதற்கிடையில், மனவேதனையில் இருக்கும் அயலி சிவாவுக்குப் போன் செய்கிறாள். ஆனால், கோபத்தில் இருக்கும் சிவா அவளுடைய போனை எடுக்கவே மறுக்கிறான். அப்போது சிவாவிடம் பேசும் ஜான், "சார், அயலி மேடம் நீங்க நினைக்கிற மாதிரி கிடையாது.

அவங்க ரொம்ப நல்லவங்க. எதுக்காக சார் அவங்க மேல இவ்வளவு கோபப்படுறீங்க? கொஞ்சம் அவங்களைப் புரிஞ்சுக்கோங்க" என்று எடுத்துச் சொல்கிறான். ஆனால் சிவா எதையும் கேட்காமல் தன்னுடைய கோபத்திலேயே இருக்கிறான். இதனால் அயலி போன் செய்தும் சிவா எடுக்காததால், வீட்டில் தனியாக உட்கார்ந்து வேதனையில் இருக்கிறாள்.

அயலியை மிரட்டும் காளியப்பன்... வெளியான சங்கரியின் ரகசியம்!

அந்த நேரத்தில் அயலியின் அறைக்குள் வரும் காளியப்பன், நக்கலாக பேசுகிறான். அதற்கு அயலி, "நீங்க கொலை செய்ய முயற்சி செய்ததற்கான வீடியோ ஆதாரம் என்னிடம் இருக்கு. அதை எல்லார்கிட்டயும் காட்டுவேன்" என்று தைரியமாகப் பதிலடி கொடுக்கிறாள்.

ஆனால் காளியப்பன் கொஞ்சமும் பயப்படாமல், "அப்படியா? அப்போ அதுக்கு முன்னாடி உனக்கு ஒரு விஷயத்தைக் காட்டுறேன். இவங்க யாருன்னு தெரியுதா? இவங்கதான் சிவாவோட அம்மா சங்கரி. இவங்களாலதான் இந்திராணியோட அப்பா இறந்தாருன்னு உனக்குத் தெரியுமா? இந்த உண்மையை நான் மட்டும் சொல்லிட்டா என்ன ஆகும்னு யோசிச்சுப் பாரு" என்று சொல்லி ஒரு ஆதாரத்தைக் காட்டி அயலியை மிரட்டுகிறான்.

இந்திராணியின் ஆத்திரம்... வீட்டை விட்டு வெளியேற்றப்படும் அயலி, சிவா!

காளியப்பன் சொன்னபடியே சங்கரியைப் பற்றிய இந்த அதிர்ச்சியான உண்மையை இந்திராணியிடம் சொல்லிவிடுகிறான். இதைக் கேட்ட இந்திராணி, தன்னுடைய அப்பாவின் மரணத்துக்குச் சிவாவின் அம்மா சங்கரிதான் காரணம் என்பதை அறிந்து கடும் கோபமடைகிறாள். இதனால் ஆத்திரத்தின் உச்சிக்குச் செல்லும் இந்திராணி, அயலியையும் சிவாவையும் வீட்டை விட்டு வெளியே தள்ளுகிறாள்.

"இனிமேல் நீங்க ரெண்டு பேரும் இந்த வீட்டில் இருக்கக் கூடாது. வெளியே போங்க!" என்று ஆவேசமாகக் கத்தி இருவரையும் விரட்டுகிறாள். இந்திராணியின் இந்த அதிரடி முடிவால் அயலியும் சிவாவும் என்ன செய்வதென்று தெரியாமல் அதிர்ச்சியில் உறைந்து நிற்கிறார்கள்.

காளியப்பனின் சதியால் அயலியும் சிவாவும் வீட்டை விட்டே வெளியேறும் நிலை ஏற்பட்டுள்ளதால், அடுத்து என்ன நடக்கப்போகிறது என்பது குறித்து அறிய அயலி சீரியலை உங்கள் Zee தமிழ் தொலைக்காட்சியில் காணத்தவறாதீர்கள். You,

(+44) 20 3137 6284
UK
(+41) 315 282 633
Switzerland
(+1) 437 887 2534
Canada
(+33) 182 888 604
France
(+49) 231 2240 1053
Germany
(+1) 929 588 7806
US
(+61) 272 018 726
Australia
lankasri@lankasri.com
Email US