கார்த்திகை தீபம் எபிசோட் அப்டேட்: சாமுண்டீஸ்வரி மீது பாய்ந்த குண்டு! சிவனாண்டி கைது – அடுத்து நடந்தது என்ன?

கார்த்திகை தீபம்

ZEE தமிழ் தொலைக்காட்சியில் திங்கள் முதல் சனி வரை இரவு 9 மணிக்கு ஒளிபரப்பாகி வரும் ‘கார்த்திகை தீபம்’ சீரியலில், அடுத்தடுத்து அதிரடியான திருப்பங்கள் நடந்து வருகின்றன.

அந்த வகையில், சாமுண்டீஸ்வரியை சிவனாண்டி துப்பாக்கியால் சுட்ட சம்பவம் குடும்பத்தையே அதிர்ச்சியில் ஆழ்த்தியுள்ளது.

சந்திரகலாவை அறைந்த சாமுண்டீஸ்வரி!

சாமுண்டீஸ்வரி வீட்டில் உள்ள அனைவரையும் ஒரு இடத்தில் நிற்க வைத்து, சந்திரகலாவிடம் உண்மையைச் சொல்லும்படி கேட்கிறார். ஆனால், சந்திரகலா உண்மையைச் சொல்லாமல் மறுத்துப் பேசுகிறார். இதனால் கோபமடையும் சாமுண்டீஸ்வரி, சந்திரகலாவின் கன்னத்தில் பளார் என்று அறைகிறார். மேலும், “உன்னை என் தங்கச்சியா நினைச்சேன். ஆனால், நீ இப்படி பண்ணுவேன்னு எதிர்பார்க்கல. உடனே இந்த வீட்டை விட்டு வெளியே போ” என்று கோபமாகச் சொல்கிறார்.

துப்பாக்கியைப் பிடுங்கி சுட்ட சிவனாண்டி!

தன் மனைவி சந்திரகலாவை சாமுண்டீஸ்வரி அடிப்பதைப் பார்த்த சிவனாண்டி ஆத்திரமடைகிறார். உடனே அங்கு பாதுகாப்புக்காக நின்றிருந்த போலீஸ் இன்ஸ்பெக்டரின் துப்பாக்கியைப் பிடுங்கி, சாமுண்டீஸ்வரியை நோக்கி நீட்டுகிறார். இருவருக்கும் இடையே வாக்குவாதம் முற்றவே, சிவனாண்டி துப்பாக்கியால் சுடுகிறார். இதில் சாமுண்டீஸ்வரி மீது குண்டு பாய, அவர் ரத்த வெள்ளத்தில் சரிகிறார்.

சாமுண்டீஸ்வரியை மருத்துவமனைக்கு அழைத்துச் சென்ற கார்த்திக்!

சாமுண்டீஸ்வரி கீழே விழுந்ததைப் பார்த்த கார்த்திக் அதிர்ச்சியடைகிறார். உடனே அவரை மருத்துவமனைக்கு அழைத்துச் செல்ல ஏற்பாடு செய்கிறார். இந்தப் பரபரப்பைப் பயன்படுத்திக் கொண்டு மாயாவும் மகேஷும் நெக்லஸைத் திருட நினைக்கிறார்கள். ஆனால், நெக்லஸ் இருந்த இடத்துக்குச் சென்று பார்த்தபோது அது அங்கு இல்லை. சாமுண்டீஸ்வரி ஏற்கெனவே உஷாராகி, நெக்லஸை வேறு இடத்துக்கு மாற்றி வைத்திருப்பது தெரிய வருகிறது.

சிவனாண்டி கைது! மருத்துவமனையில் சாமுண்டீஸ்வரிக்கு சிகிச்சை!

மறுபக்கம், கார்த்திக் சாமுண்டீஸ்வரியை அவசர சிகிச்சைப் பிரிவில் அனுமதிக்கிறார். துப்பாக்கியால் சுடப்பட்டிருப்பதால் உடனடியாகச் சிகிச்சை அளிக்க வேண்டும் என்று டாக்டர்களிடம் வலியுறுத்துகிறார். இதனால் குடும்பத்தினர் அனைவரும் பதற்றத்தில் இருக்கின்றனர். இதற்கிடையில், சாமுண்டீஸ்வரியைத் துப்பாக்கியால் சுட்ட குற்றத்துக்காக சிவனாண்டியை போலீசார் கைது செய்கின்றனர்.

சந்திரகலாவிடம் திட்டம் போட்ட சிவனாண்டி! விடுதலையான பாட்டி!

போலீஸ் காவலில் இருக்கும் சிவனாண்டியை சந்திரகலா சந்திக்கிறார். அப்போது, “ஏன் இப்படி பண்ணீங்க?” என்று கேட்கிறார்.

அதற்கு சிவனாண்டி, “என் மனைவியை ஒருத்தி அடிக்கும்போது நான் சும்மா வேடிக்கை பார்த்துட்டு இருப்பேனா? கார்த்திக் மட்டும் அந்த ஆதாரத்தைக் காட்டாமல் இருந்திருந்தால், இந்நேரம் சாமுண்டீஸ்வரியைத் தீர்த்துக்கட்டி உன்னை அந்த இடத்தில் உட்கார வைத்திருப்பேன்” என்று ஆவேசமாகப் பேசுகிறார்.

மேலும், “நீ கவலைப்படாதே, நம்ம திட்டத்தை எப்படியாவது நிறைவேற்றுவோம்” என்று சந்திரகலாவிடம் சொல்கிறார். இதற்கிடையில், துப்பாக்கிச் சூட்டைச் செய்தது சிவனாண்டிதான் என்பது உறுதியானதால், சிறையில் இருந்த பாட்டி விடுதலை செய்யப்படுகிறார்.

இப்படி சாமுண்டீஸ்வரி உயிருக்கு ஆபத்தான நிலையில் மருத்துவமனையில் இருக்க, சிவனாண்டி சிறைக்குச் சென்றுவிட்டார். பாட்டியும் விடுதலையாகிவிட்டார்.

இனி சந்திரகலா என்ன செய்யப் போகிறார்? சாமுண்டீஸ்வரி உயிர் பிழைப்பாரா? மாயா, மகேஷின் அடுத்த திட்டம் என்ன? இந்தக் கேள்விகளுக்கான பதில்களைத் தெரிந்துகொள்ள, ‘கார்த்திகை தீபம்’ சீரியலை உங்கள் ZEE தமிழ் தொலைக்காட்சியில் காணத் தவறாதீர்கள்!