எல்லாரும் எனக்கு எதிரா வேலை பாக்குறாங்க.. யாரை சொல்கிறார் கௌதம் மேனன்?

கௌதம் மேனன் இயக்கத்தில் துருவ நட்சத்திரம் படம் கடந்த 2016ல் தொடங்கிய நிலையில் பல்வேறு தடங்கல்களால் இதுவரை திரைக்கு வராமல் இருக்கிறது.

பல முறை தள்ளிப்போன நிலையில், இறுதியாக நவம்பர் 24ம் தேதி ரிலீஸ் என அறிவித்து ப்ரோமோஷன் செய்தனர். ஆனால் கௌதம் மேனன் தரவேண்டிய பணத்தை கொடுக்காமல் ரிலீஸ் செய்ய கூடாது என நீதிமன்றம் போட்ட கண்டிஷனால் மீண்டும் ரிலீஸ் தடைபட்டது. இதனால் ரசிகர்களும் ஏமாற்றம் அடைந்தனர்.

சிவகுமாரும் அவர் பிள்ளைகளும் தான் ஞானவேல்ராஜா பின்னால் இருப்பது.. கொந்தளித்த பிரபலம்

கௌதம் மேனன் அறிக்கை

இந்நிலையில் தற்போது கௌதம் மேனன் ஒரு ஸ்டேட்மென்ட் வெளியிட்டு இருக்கிறார். அதில் தனக்கு எதிராக எல்லோரும் வேலை பார்கிறார்கள், ஆனால் என் passion மற்றும் dedication இந்த படத்தை ஒரு நாள் ரசிகர்களிடம் கொண்டு போய் சேர்க்கும் என கூறி இருக்கிறார்.

மேலும் நவம்பர் 24 ரிலீஸ் தள்ளிப்போனது மிகப்பெரிய ஏமாற்றத்தை கொடுத்தது என ஒப்புக்கொண்டிருக்கும் கெளதம் மேனன் தனது சக்திக்கு தகுந்தபடி தடைகளை தாண்டி படத்தினை ரிலீஸ் செய்ய முயற்சித்து வருவதாகவும் கூறி இருக்கிறார்.

துருவ நட்சத்திரம் படம் ரிலீஸ் பற்றி அதன் ஹீரோ நடிகர் விக்ரம் ஒரு ட்வீட் கூட போடவில்லை என்பது குறிப்பிடத்தக்கது. 

#DhruvaNatchathiram@OndragaEnt @oruoorileoru pic.twitter.com/Bbcn32sgWM

— Gauthamvasudevmenon (@menongautham) November 28, 2023