தேசிய விருது வென்ற தமிழ் நட்சத்திரங்களுக்கு வாழ்த்து தெரிவித்த கமல் ஹாசன்..

தேசிய விருது வென்ற தமிழ் நட்சத்திரங்கள்

நேற்று மாலை 68வது சினிமா தேசிய விருதுகள் பட்டியல் அறிவிக்கப்பட்டது. இதில் தமிழ் திரையுலகம் மொத்தம் 10 விருதுகளை பெற்றுள்ளது.

இதில் " சிறந்த தமிழ் படம் - 'சிவரஞ்சனியும் இன்னும் சில பெண்களும்', சிறந்த பின்னணி இசைக்காக - சூரரைப் போற்று (ஜி.வி பிரகாஷ்), சிறந்த எடிட்டிங் - சிரவஞ்சனியும் இன்னும் சில பெண்களும் (ஸ்ரீகர் பிரசாத்), சிறந்த திரைக்கதை - சூரரைப் போற்று (ஷாலினி உஷா நாயர், சுதா கொங்கரா), சிறந்த வசனம் - மண்டேலா (மடோன் அஸ்வின்), சிறந்த துணை நடிகை - லக்ஷ்மி பிரியா சந்திரமௌலி (சிரவஞ்சனியும் இன்னும் சில பெண்களும்), சிறந்த நடிகை - அபர்ணா பாலமுரளி (சூரரைப் போற்று), சிறந்த நடிகர் - சூர்யா (சூரரைப் போற்று), சிறந்த அறிமுக இயக்குனர் - மண்டேலா (மடோன் அஸ்வின்), சிறந்த படம் - சூரரைப் போற்று என 10 விருதுகள் தமிழ் திரையுலகம் பெற்றுள்ளது.

வாழ்த்து தெரிவித்த கமல் ஹாசன்

இந்நிலையில், உலகநாயகன் கமல் ஹாசன் தனது ட்விட்டர் பக்கத்தில் தேசிய விருது வென்ற அனைவருக்கும் தன்னுடைய வாழ்த்தை தெரிவித்துள்ளார்.

இந்த பதிவில் " சூரரைப் போற்று திரைப்படம் 5 தேசிய விருதுகளைக் குவித்துள்ளது பெருமையளிக்கிறது. சிவரஞ்சனியும் இன்னும் சில பெண்களும், மண்டேலா என ஒட்டுமொத்தமாக 10 விருதுகளை அள்ளி தேசத்தை திரும்பிப் பார்க்கச் செய்துள்ளது தமிழ்த் திரையுலகம். விருதாளர்கள் அனைவருக்கும் என் மனமார்ந்த வாழ்த்துக்கள் " என தெரிவித்துள்ளார்.

சூரரைப் போற்று திரைப்படம் 5 தேசிய விருதுகளைக் குவித்துள்ளது பெருமையளிக்கிறது. சிவரஞ்சனியும் இன்னும் சில பெண்களும், மண்டேலா என ஒட்டுமொத்தமாக 10 விருதுகளை அள்ளி தேசத்தை திரும்பிப் பார்க்கச் செய்துள்ளது தமிழ்த் திரையுலகம். விருதாளர்கள் அனைவருக்கும் என் மனமார்ந்த வாழ்த்துக்கள்.

— Kamal Haasan (@ikamalhaasan) July 23, 2022

நடிகர் கமல் ஹாசன் இதுவரை நான்கு தேசிய விருதுகளை வென்றுள்ளார் என்பது குறிப்பிடத்தக்கது.