இந்தியன் 3 படம் வருமா? சர்ச்சைக்கு முற்றுப்புள்ளி, வெளிவந்த லேட்டஸ்ட் தகவல்

இந்தியன் 3 

இயக்குநர் ஷங்கர் - நடிகர் கமல் ஹாசன் கூட்டணியில் 1996ம் ஆண்டு வெளிவந்து வெற்றியடைந்த படம் இந்தியன். இப்படத்திற்கு பின் கிட்டதட்ட 28 வருடங்களுக்கு பின் சென்ற ஆண்டு இந்தியன் 2 வெளிவந்தது.

இப்படத்தில் கமலுடன் இணைந்து எஸ்.ஜே. சூர்யா, சித்தார்த், ரகுல் ப்ரீத் சிங், பிரியா பவானி ஷங்கர் என பலரும் நடித்திருந்தனர். பெரிதும் எதிர்பார்ப்பில் வெளிவந்த இப்படம் படுதோல்வியை சந்தித்தது. மேலும் கடுமையாக ட்ரோல் செய்யப்பட்டது.

வசூலை வாரிக்குவிக்கும் வீர தீர சூரன்.. 8 நாட்களில் எவ்வளவு தெரியுமா

வசூலிலும் இப்படத்தினால் ஏமாற்றமே. இதனால் இந்தியன் 3 வெளியாகாத, OTT ரிலீஸ் மட்டும் தான் என்பது போல் பல விதமாக சர்ச்சைகள் எழுந்தன.

லேட்டஸ்ட் தகவல்

இந்த நிலையில், தற்போது இந்தியன் 3 குறித்து லேட்டஸ்ட் தகவல் வெளியாகியுள்ளது. அதன்படி, இந்தியன் 3 படத்திற்காக வேலைகளை படக்குழுவினர் துவங்கியுள்ளார்களாம்.

இப்படத்திற்கு இன்னும் 20 நாட்கள் படப்பிடிப்பு நடத்தவேண்டும் என முடிவு செய்துள்ளதாகவும், அதற்காக கால்ஷீட்டை விரைவில் கமல் ஹாசனிடம் வாங்கவிருப்பதாகவும் கூறப்படுகிறது. இதனால் கண்டிப்பாக இந்தியன் 3 வெள்ளித்திரையில் தான் வெளிவரும் என்கிற நம்பிக்கை ரசிகர்கள் மத்தியில் வந்துள்ளது.