விக்ரம் படத்தில் மீண்டும் இணைந்த பஞ்சதந்திரம் கூட்டணி.. வெளிவந்த ப்ரோமோ வீடியோ இதோ

பஞ்சதந்திரம் 

கே.எஸ். ரவிக்குமார் இயக்கத்தில் கடந்த 2002ஆம் ஆண்டு வெளிவந்த திரைப்படம் பஞ்சதந்திரம்.

கமல் ஹாசன், ஜெயராம், ஸ்ரீமன், யோகி சேது, ரமேஷ் அரவிந்த், சிம்ரன், ரம்யா கிருஷ்ணன் என பலரும் இப்படத்தில் நடித்திருந்தனர்.

இன்று வரை ரசிகர்களால் பெரிதும் ரசிக்கப்படும் நண்பர்கள் கூட்டணி படம் என்றால் அது பஞ்சதந்திரம் தான்.

மீண்டும் இணைந்த கூட்டணி

இந்நிலையில், தற்போது விக்ரம் படத்தின் ப்ரோமோஷன் வேலைக்காக பஞ்சதந்திரம் படத்தின் கூட்டணி மீண்டும் அமைந்துள்ளது.

ஆம், பஞ்சதந்திரம் படத்தில் இடம்பெற்றிருந்த போன் கால் காட்சியை அப்படியே செய்து ப்ரோமோவாக வெளியிட்டுள்ளனர்.

ஜெயராம், யோகி சேது, ரமேஷ் அரவிந்த், ஸ்ரீமான் இணைந்து செய்துள்ள இந்த ப்ரோமோ வீடியோ தற்போது வைரலாகி வருகிறது.