முக்கிய நடிகர்கள் திணறி வரும் இடங்களில், அசால்ட்டாக நூறு கோடியை கடந்த விக்ரம் !

ஓவர்சீஸ்-ல் வசூல் சாதனை படைத்த விக்ரம் 

உலகநாயகன் கமல் நடிப்பில் இயக்குநர் லோகேஷ் கனகராஜ் இயக்கத்தில் வெளியான திரைப்படம் விக்ரம். கோலிவுட் திரையுலகமே எதிர்பார்த்த விக்ரம் திரைப்படம் தமிழகத்தை தாண்டி உலகமெங்கும் வசூல் வேட்டை நடத்தி வருகிறது.

அதன்படி விக்ரம் திரைப்படம் தற்போது வரை உலகமெங்கும் ரூ. 320 கோடிக்கும் மேல் வசூல் செய்திருக்கும் என சொல்லப்படுகிறது. கடைசியாக வெளியான எந்த ஒரு முன்னணி நடிகரின் தமிழ் திரைப்படமும் இப்படியொரு சாதனை படைத்ததில்லை என்பது குறிப்பிடத்தக்கது.

அதுமட்டுமின்றி தமிழகத்தில் 100 கோடி வசூலை தாண்டியுள்ள விக்ரம் திரைப்படம் தற்போது பாகுபலி திரைப்படத்திற்கு அடுத்த படியாக திகழ்ந்து வருகிறது. மிக விரைவில் பாகுபலி படத்தை முந்தி தமிழ்நாட்டில் NO.1 திரைப்படமாக விக்ரம் இருக்கும் என நம்பப்படுகிறது.

இந்நிலையில் தற்போது விக்ரம் திரைப்படம் ஓவர்சீஸ்-ல் மட்டும் ரூ.108 கோடிளவில் வசூல் செய்திருப்பதாக தகவல் வெளியாகியுள்ளது. இதுவரை வெளியான எந்த ஒரு டாப் நடிகர்களின் திரைப்படமும் இந்தளவிற்கு ஓவர்சீஸ்-ல் வசூல் செய்யவில்லை என்பது குறிப்பிடத்தக்கது.  

பாண்டியன் ஸ்டோர்ஸ் சீரியல் பிரபலங்களா இது?- சூப்பர் நிகழ்ச்சிக்கு வந்துள்ள பிரபலங்கள்