ஏகப்பட்ட பிரச்சனைக்கு பின் ஒருவழியாக முடிந்தது இந்தியன் 2 படப்பிடிப்பு.. ரிலீஸ் எப்போ தெரியுமா

இந்தியன் 2 

ஷங்கர் - கமல் ஹாசன் கூட்டணியில் கடந்த 1996ஆம் ஆண்டு வெளிவந்து மாபெரும் வெற்றியடைந்த திரைப்படம் இந்தியன். இப்படத்தின் இரண்டாவது பாகம் தற்போது உருவாகி வருகிறது.

இந்தியன் 2 திரைப்படத்தின் படப்பிடிப்பு கடந்த 2019ஆம் ஆண்டு துவங்கியது. ஆனால், படப்பிடிப்பில் ஏற்பட்ட விபத்து காரணமாக மூவர் இறந்தனர். கமல் ஹாசன் நூலிழையில் உயிர் தப்பினார். இதனால் படப்பிடிப்பு நின்றது.

இதன்பின் சில பண பிரச்சனை காரணமாகவும் இப்படத்தின் படப்பிடிப்பு மீண்டும் துவங்காமல் இருந்து வந்தது. இப்படி ஏகப்பட்ட பிரச்சனைகள் இந்தியன் 2 படத்தை சுற்றி இருந்தது. ஆனால், ரெட் ஜெயிண்ட் நிறுவனம் இந்தியன் 2 படத்தை கைப்பற்றிய பின், ஒரு பிரச்சனையும் இல்லாமல் சுமுகமாக படப்பிடிப்பு நடைபெற்று வந்தது.

படப்பிடிப்பு நிறைவு

இந்நிலையில், தற்போது இந்தியன் 2 மற்றும் இந்தியன் 3 என இரு திரைப்படங்களின் படப்பிடிப்பும் ஒரு வழியாக முடிந்துவிட்டது. ஆம், கடந்த சில நாட்களுக்கு முன் தான் முழு படப்பிடிப்பையும் நிறைவு செய்துள்ளனர். 

கமல் ஹாசன் பிறந்தநாள் அன்று எப்படி இந்தியன் 2 படத்தின் கிலிம்ப்ஸ் வீடியோ வெளிவந்ததோ அதே போல் வருகிற நாட்களில் இந்தியன் 2 படத்தின் அப்டேட் ஒவ்வொன்றாக வெளியாகும் என கூறப்படுகிறது.

ஒன்னோட காசு எனக்கு வேண்டாம்.. அஜித்தால் கண்கலங்கி கதறி அழுத விஜயகாந்த்..

ரிலீஸ்

இந்நிலையில், இந்தியன் 2 படத்தை வருகிற ஏப்ரல் மாதம் வெளியிட படக்குழு திட்டமிட்டு வருகிறார்களாம். அதற்கான வேலைகள் முழு வீச்சில் நடைபெற்று வருவதாக தெரிகிறது. பொறுத்திருந்து பார்ப்போம் இதுகுறித்து அதிகாரப்பூர்வமான அறிவிப்பு படக்குழுவிடம் இருந்து எப்போது வெளியாகிறது என்று.