தமிழ் சினிமாவில் அதிக ரசிகர்களை வைத்துள்ள நடிகர்களின் பட்டியல் ! யார் No.1

தமிழ் சினிமாவிற்கு தற்போது உலகம் முழுவதிலும் பெரிய மார்கெட் உருவாகி விட்டது, இங்கு வெளியாகும் திரைப்படம் பல மொழிகளில் டப் செய்யப்பட்டு இந்தியளவில் மட்டும் உலகமெங்கிலும் வெளியாகி வருகிறது. அப்படி வெளியாகும் திரைப்படங்களுக்கு பெரிய வசூல் சாதனைகளை படைப்பதையும் பார்த்து வருகிறோம்.

அதன்படி தமிழ் நாடு பாக்ஸ் ஆபீஸ் வசூல் விவரத்தை வைத்து தற்போதுள்ள முன்னணி நடிகர்களில் யார் அதிக ரசிகர்கள் பட்டாளத்தை வைத்துள்ளார்கள் என்பதை பார்ப்போம்.  

விஜய்  

தளபதி விஜய் தற்போது தமிழ் சினிமாவின் உச்ச நட்சத்திரமாக இருப்பது அனைவரும் அறிந்த விஷயம், இவரின் திரைப்படம் வெளியாகும் நாளை ரசிகர்கள் திருவிழா போல் கொண்டாடி விடுவார்கள். விஜயின் திரைப்படங்களுக்கு கிடைக்கும் வரவேற்பையும் ஆதரவையும் பார்க்கும் போது நாளுக்கு நாள் இவரின் ரசிகர்கள் கூட்டம் அதிகமாகி கொண்டே இருப்பதை தான் காட்டுகிறது. அந்த வகையில் கடைசியாக அவர் நடிப்பில் வெளியான மாஸ்டர் திரைப்படம் கொரோனா கட்டுப்பாடுகளுடன் திரைக்கு வந்தது. ஆனாலும் கூட ரூ.250 கோடிக்கும் வசூல் செய்து சாதனை படைத்தது.   

இதிலிருந்த தெரிந்து விடும் விஜய்யின் திரைப்படத்தை காண எவ்வளவு பெரிய ரசிகர்கள் கூட்டம் உள்ளது என, அதுமட்டுமின்றி அவரின் திரைப்படம் குறித்த எந்த ஒரு அப்டேட் வெளியானாலும் அதற்கு லட்ச கணக்கில் லைக்ஸ்கள் குவிந்துவிடும். அந்தளவிற்கு சமூக வலைத்தளத்தில் அதிகபடியான ஆக்ட்டிவ் ரசிகர்கள் அவருக்கு உள்ளனர். 

அஜித்

அஜித்குமார் AK, தமிழ் சினிமவின் மற்றுமொரு உச்ச நட்சத்திரம். இந்தியளவில் அதிக ரசிகர்கள் பட்டாளத்தை வைத்துள்ள நடிகர்களில் அஜித்தும் ஒருவர். அதன்படி கிட்டத்தட்ட இரண்டரை வருடம் ரசிகர்களின் காத்திருப்பிற்கு பின் கடந்த பிப்ரவரி மாதம் வெளியான திரைப்படம் வலிமை. பிரதமர் முதல் கிரிக்கெட் வீரர் வரை படத்தின் அப்டேட்டை கேட்டுவந்தனர் அவரின் வெறித்தனமான ரசிகர்கள். பெரிய எதிர்பார்ப்புடன் வெளியான அஜித்தின் வலிமை திரைப்படமும் பெரிய வசூல் சாதனை படைத்து திரையரங்கில் வெற்றிகரமாக ஓடிக்கொண்டு இருக்கிறது.

இவரின் போட்டி நடிகராக உள்ள விஜய்யின் ரசிகர்களுக்கு அஜித் ரசிகர்கள் சளைத்தவர்கள் அல்ல, அவர்கள் செய்யும் சாதனை இவர்கள் முறியடிப்பதும், இவர்கள் படைக்கும் சாதனையை அவர்கள் முறியடிப்பதும் என பேன்ஸ் வார்-யே நடத்தி வருவார்கள்.

ரஜினி

இன்று தமிழ் சினிமாவிற்கு உலகளவில் மார்க்கெட் விரிவடைந்து இருப்பதற்கு சூப்பர் ஸ்டார் ரஜினியும் ஒரு முக்கிய காரணம். தமிழ் ரசிகர்கள் மட்டுமின்றி அவரின் நடிப்பாலும் ஸ்டைலாலும் உலக ரசிகர்களையும் கட்டிபோட்டுள்ளார் ரஜினிகாந்த். தமிழில் சினிமாவின் அதிக வசூல் செய்த திரைப்படங்களை எடுத்து பார்த்தால் இவரின் திரைப்படங்கள் எப்போதும் டாப்பில் இருக்கும் அந்தளவிற்கு இவரின் ரசிகர்கள் கூட்டம் பெரியது.  

இப்படி இருக்கையில் கடந்த சில வருடங்களாக அவர் நடிப்பில் வெளியாகும் திரைப்படங்கள் பெரிய வசூல் சாதனை படைப்பதை மிஸ் செய்து வருகிறது. உதாரணமாக அண்ணாத்த திரைப்படத்தை கூறலாம். இப்போதும் முன்னணி நடிகர்களுக்கு ரஜினி டப் கொடுத்து வருவதற்கு முக்கிய காரணம் அவரின் ரசிகர்கள் தான். அப்படி இருக்கையில் வரும் காலங்களில் ரஜினியின் திரைப்படம் எந்தளவிற்கு வரவேற்பை பெறுகிறது என்பதை பொறுத்திருந்து பார்ப்போம்.

சிவகார்த்திகேயன்

குறுகிய காலத்திலே தமிழ் சினிமாவின் முன்னணி நடிகராகியுள்ளார் சிவகார்த்திகேயன். டாப் நடிகர்களாக இருப்பவர்களின் திரைப்படங்களை விட சிவகார்த்திகேயன் திரைப்படம் அதிக வசூல் சாதனை படைப்பதை பார்த்து வருகிறோம். அதற்கு முக்கிய காரணமே சிவகார்த்திகேயனுக்கு இருக்கும் குடும்ப ரசிகர்கள் தான். சத்தமில்லாமல் சிவகார்த்திகேயனின் ரசிகர்கள் பட்டாளமும் விரிவடைந்து வருகிறது. எனவே SK-வும் தமிழ் சினிமாவின் தவிர்க்க முடியாத நடிகராகிவிடுவார் என்பதில் சந்தேகமே இல்லை.

சூர்யா

கடந்த 10 வருடங்களுக்கு முன் சூர்யா தான் தமிழ் சினிமாவின் உச்ச நட்சத்திரம் இவரின் திரைப்படங்கள் வெளியானால் வசூலில் No.1 இடத்திற்கு வந்துவிடும் அந்தளவிற்கு இவரின் திரைப்படங்கள் ரசிகர்களிடையே வரவேற்பை பெற்றது. ரஜினி, கமலுக்கு பிறகு சூர்யா தான் என கூறப்பட்டது, அந்தளவிற்கு மாஸ் காட்டினார்கள் சூர்யாவின் ரசிகர்கள்.  

ஆனால் ஏழாம் அறிவு திரைப்படத்திற்கு சூர்யாவின் திரைப்படங்கள் முன்புபோல் பெரிய வெற்றியடைவதை பார்க்க முடியவில்லை. இதனால் அவர்களின் ரசிகர்கள் கூட்டம் சற்று சரிந்தது போல் தெரிந்தது. இதனிடையே தற்போது சூரரை போற்று, ஜெய் பீம், ET என மீண்டும் சூர்யாவின் திரைப்படங்கள் பெரிய வரவேற்பை பெற அரபித்துள்ளது. எனவே சூர்யாவின் திரைப்படங்கள் இனி விஜய், அஜித் பட சாதனைகளை முறியடிக்கிறதா என்பதை பொறுத்திருந்து பார்ப்போம். 

சிம்பு (STR)

சிம்புவிற்கு இருக்கும் ரசிகர்கள் விசுவாசமான ரசிகர்கள் என்றே கூறலாம், ஏன்னென்றால் அவரின் மோசமான காலகட்டத்தில் கூட அவருக்கு ஆதரவாக பேசி வந்தனர். குண்டாக இருந்த சிம்பு தற்போது செம சிலமாக Come Back கொடுத்துள்ளார். அதற்கு முக்கிய காரணமாக சிம்பு கூறுவதே அவரின் ரசிகர்களை தான், அந்தளவிற்கு ரசிகர்கள் அவருக்கு ஆதரவாக இருந்துள்ளார்கள்.

அதுமட்டுமின்றி மாநாடு படத்தின் பிளாக் பஸ்டர் வெற்றியை தொடர்ந்து சிம்பு, தனது அடுத்தடுத்த படங்களை வேகமாக முடித்து வருகிறார். அப்படி அவரின் திரைப்படங்கள் இனி எந்தளவிற்கு வசூல் சாதனை படைத்து விஜய் - அஜித் அந்தஸ்தை அடைவாரா என்பதை பார்ப்போம்.

தனுஷ்

தனுஷ் மற்ற நடிகர்களை போல் அல்லாமல் சிறந்த கதைகளை தேர்ந்தெடுத்து நடிப்பவர், அதனாலேயே அவருக்கென்றே ஒரு தனி ரசிகர்கள் கூட்டம் உள்ளது. அப்படி அவர் நடிப்பில் வெளியான கர்ணன், அசுரன் உள்ளிட்ட திரைப்படங்கள் பெரிய வசூல் சாதனை படைத்தது. தனுஷின் கடந்த சில திரைப்படங்கள் OTT-யில் தான் வெளியாகி வருகிறது, இதனாலே அவரின் திரைப்படங்கள் பெரிய வசூல் சாதனை படைப்பதை பார்க்க முடியவில்லை.  

தனுஷ் நடிப்பில் கடைசியாக வெளியான மாறன் உள்ளிட்ட திரைப்படம் மோசனமான விமர்சனங்களை பெற்றது, எனவே தனுஷின் திரைப்படங்கள் திரையரங்கில் வெளியானால் தான் அவருக்கு எந்தளவிற்கு ரசிகர்கள் கூட்டம் உள்ளது என்பது தெரியும்.

விக்ரம்

தமிழ் சினிமாவில் விக்ரம் மட்டுமே அனைத்து தரப்பு ரசிகர்களாலும் கொண்டாடப்படும் நடிகர், அவருக்கு ஹெட்டர்ஸ் என யாருமே இல்லை என்ற பெருமையும் உள்ளது. விக்ரம்-ன் ரசிகர்கள் மற்ற ரசிகர்களுடன் போட்டிபோட்டு சண்டை போடுவதை பார்க்க முடியாது. அவரின் திரைப்படத்தை மட்டும் கொண்டாடும் ஒரு தனித்துவமான ரசிகர்கள் விக்ரமுக்கு உண்டு. அவருக்கும் ஐ படத்திற்கு பெரிய வெற்றியடைந்த திரைப்படங்கள் இல்லை.

இனி வெளியாகவுள்ள பொன்னியின் செல்வன், கோப்ரா, உள்ளிட்ட திரைப்படங்கள் எந்தளவிற்கு ரசிகர்களிடையே வரவேற்பைபெறுகிறது என்பதை பொறுத்திருந்து பார்ப்போம்.

( இந்த பட்டியலில் உலகநாயகன் கமல் சேர்க்கப்படவில்லை ஏன்னென்றால் கடந்த 5 வருடங்களின் பாக்ஸ் ஆபீஸ் நிலவரம் வைத்தே இந்த பட்டியல் இடப்பட்டுள்ளது. கமல் நடிப்பில் பெரிய எதிர்பார்ப்பை ஏற்படுத்தியுள்ள விக்ரம் திரைப்படம் விரைவில் வெளியாகும் நிலையில் உலகநாயகன் பாக்ஸ் ஆபீஸில் Come Back கொடுப்பாரா என்பது விக்ரம் வெளியான பின் தெரிந்துவிடும் )  

சிம்பு அணிந்திருக்கும் உடையின் விலை ஒரு லட்சத்திற்கும் அதிகமா ! வைரல் புகைப்படம்..